Matthew 27:52 - An Bibel Kernewek 20234 (Kernewek Kemmyn)

⁵² ha'n bedhow a veu igerys ha meur a gorfow a'n syns koedhys yn kosk a veu drehevys;

Matthew 27:52 Iomraidhean Croise

2 Myghternedh 13:21

Hag y hwarva, pan esens owth ynkleudhyas neb gour, i a welas bagas a soudoryon, hag i a dewlis an gour a-berth yn bedh Elisha ha mos dhe-ves: kettell dochyas an gour eskern Elisha, ev a dhasvewas ha sevel war y dreys.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Yowann 11:11

Hemma a leveris, hag ena yn-medh ev dhedha, ‘Agan koweth Lazarus a gosk; mes yth av rag gul dhodho difuna.’

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

1 Korinthianys 11:30

Henn yw prag yth yw rann ahanowgh gwann ha klav hag y koskas rann.

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

1 Korinthianys 15:51

Otta, my a lever kevrin dhywgh. Ny wren ni oll koska, mes ni oll a vydh chanjys,

1 Thessalonianys 4:14

Rag mar krysyn Yesu dhe verwel ha dasserghi, yndella ynwedh, dre Yesu, Duw a dhre ganso an re re goskas.

1 Thessalonianys 5:10

neb a verwis ragon, may fewen war-barth ganso, ha ni difun po yn kosk.