Matthew 27:51 - An Bibel Kernewek 20234 (Kernewek Kemmyn)

⁵¹ Hag otta, vayl an tempel a veu skwardys yntra diw rann, a'n penn a-wartha bys y'n goeles, hag y feu dorgrys ha'n karregi a veu folsys,

Matthew 27:51 Iomraidhean Croise

2 Kroniklys 3:14

Ev a wrug an groglenn a lien fin glas ha purpur ha rudhgogh hy liw, hag ynni ev a wias cherubim.

Salmow 18:15

Ena yth omdhiskwedhas goverow dowr, ha selyow an norvys a veu diskudhys, orth dha geredh, A Arloedh, orth hwyth anall dha dhewfrik.

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Eksodus 40:21

hag ev a dhros an argh a-ji dhe'n tabernakel, ha settya vayl an groglenn, ha kudha argh an dustuni, dell worhemmynnsa an Arloedh dhe Moyses.

Ysay 25:7

War an menydh ma ev a gollenk an lien-bedh usi dres oll an poblow, an lien lesys war oll an kenedhlow.

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Levitikus 21:23

Mes nyns a a-ji dhe'n vayl, na dos nes dhe'n alter, rag yma namm dhodho, ma na dhefollo ow sentris; rag an Arloedh ov vy, neb a wra aga sanshe.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Habakkuk 3:13

Ty a gerdh yn-mes rag selwyans dha bobel, rag selwyans dha untys; ty a wysk an penn a ji an tebelwas, ow lommhe an selyow bys y'n konna. Sela.

Niverow 4:5

Pan wra an kamp mos yn-rag, Aron ha'y vebyon a wra entra ha diswul vayl an groglenn, ha kudha argh an dustuni ganso;

Matthew 27:54

Ha'n penn-kangour ha'n re esa ganso ow kwitha Yesu, pan welsons an dorgrys hag oll a hwarva, a borthas own meur, ow leverel, ‘Yn tevri hemma o Mab Duw.’

Matthew 28:2

hag otta, yth esa dorgrys meur; rag el an Arloedh, diyskynnys a nev, a dheuth, hag ev a rolyas dhe-ves an men hag esedha warnodho.

Mark 15:38

Ha vayl an tempel a veu skwardys yntra diw rann a'n penn dhe'n goeles.

Luk 23:45

An howl a dhifygyas, ha vayl an tempel a veu skwardys y'n kres.

Luk 23:47

Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’

Ebrowyon 6:19

Hemma y'gan beus avel ankor an enev, sur ha fast, govenek a enter an barth a-bervedh, a-ji dhe'n vayl,

Ebrowyon 9:3

hag a-dryv an nessa kroglenn y sev tabernakel – hemm yw henwys Sans a'n Sansow –

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.