Matthew 27:41 - An Bibel Kernewek 20234 (Kernewek Kemmyn)

⁴¹ Yn keth vaner an bennoferysi gans an skribys ha'n henavogyon ow kul ges a leveris,

Matthew 27:41 Iomraidhean Croise

Job 13:9

A vydh da genowgh pan wra aga gorthapposya? Po a yllowgh y doella, kepar dell doellir den?

Salmow 35:26

Perthens i meth ha bedhens i shyndys war-barth neb a lowenha y'm happ drog; bedhens i gwiskys yn meth ha despit neb a voghha aga honan er ow fynn.

Ysay 28:22

Lemmyn ytho na wrewgh ges, ma na vo agas kadonyow krevhes; rag my a glewas kollva dhe vos ervirys dhiworth an Arloedh, Duw an luyow, war oll an tir.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Matthew 27:40

ha leverel, ‘A ty, neb a dhistru an tempel ha'y dhrehevel kyns penn trydydh, omsaw dha honan mars os Mab Duw, ha diyskynn a'n grows.’

Matthew 27:42

‘Tus erell ev a's sawyas, ev y honan ny yll omsawya; Myghtern Ysrael ywa, diyskynnes lemmyn a'n grows ha ni a grys dhodho;

Luk 18:32

Rag ev a vydh daskorrys dhe'n Jentilys, hag a vydh skornys ha despitys ha trewa a wrons warnodho;

Luk 22:52

Hag yn-medh Yesu dhe'n bennoferysi ha gwithysi an tempel ha'n henavogyon neb a dheuth dhodho, ‘A dheuthewgh yn-mes kepar dell ve erbynn lader, gans kledhedhyow ha fustow?

Luk 23:35

Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’