Matthew 27:3 - An Bibel Kernewek 20234 (Kernewek Kemmyn)

³ Ena Yudas neb a'n traytas pan welas ev dhe vos dampnys a goedhas yn edrek hag a dhros an deg bath warn ugens a arghans arta dhe'n bennoferysi ha'n henavogyon,

Matthew 27:3 Iomraidhean Croise

Job 20:5

mayth yw heudh an re dhidhuw berr, hag unn pols byghan yw lowena an debelwas?

Eksodus 21:32

Mar kwra an ojyon kornya kethwas po maghteth, an perghennek a re dh'aga mester deg shekel warn ugens a arghans, ha'n ojyon a vydh labydhys.

Zekaria 11:13

Ha'n Arloedh a leveris dhymm, ‘Towl e dhe'n priweythor – an pris bryntin may hwrussons ow thalvos!’ Ha my a gemmeras an deg bath warn ugens a arghans ha'ga thewlel y'n chi an Arloedh dhe'n priweythor.

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

Yowann 13:27

Ha wosa an soubenn Satnas a entras ynno. Ytho Yesu a leveris dhodho, ‘An pyth a wredh, gwra yn skon.’

Yowann 18:3

Yudas ytho, wosa kavoes bagas a soudoryon ha soedhogyon dhiworth an bennoferysi ha'n Fariseow, a dheuth di gans lugern ha faglennow hag arvow.

Oberow 1:18

Lemmyn hemma a brenas park gans an gober a gammweyth, hag ow koedha sket, y dorr ev a veu folsys a-les yn y gres, hag oll y golodhyon a frosas yn-mes;

2 Korinthianys 7:10

Rag keudh duwek a ober edrek heb govisyon, bys yn selwyans; mes keudh a'n bys a ober mernans.