Matthew 27:19 - An Bibel Kernewek 20234 (Kernewek Kemmyn)

¹⁹ Ha pan ova esedhys yn barr an vreus, y wreg a dhannvonas dhodho, ow leverel, ‘Ty na wra mellya gans an den gwiryon na, rag my a wodhevis lower hedhyw yn hunros a'y wovis ev.’

Matthew 27:19 Iomraidhean Croise

Jenesis 31:11

Hag el Duw a leveris dhymm yn hunros, “Yakob”, ha my a leveris, “Ottavy.”

Jenesis 31:24

Mes Duw a dheuth dhe Laban a Aram yn hunros y'n nos ha leverel dhodho, ‘Bydh war na wrylli leverel travyth dhe Yakob, na da na drog.’

Jenesis 31:29

Yma yn galloes ow leuv gul drog dhywgh; mes nyhewer an Duw a'gas tas a gewsis genev ow leverel, “Bydh war na wrylli leverel travyth dhe Yakob, na da na drog.”

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 2:19

Wosa Herod dhe verwel, awotta, el a'n Arloedh a omdhiskwedhas dhe Yosep dre hunros yn Ejyp,

Matthew 2:22

Mes pan glewas bos Arghelaus ow reynya yn Yudi yn le y das Herod own a'n jevo a vones dhi, ha wosa bos gwarnys dre hunros ev a omdennas dhe'n rannvro Galile,

Matthew 27:18

Rag ev a wodhya i dh'y dhaskorr der atti.

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

Luk 23:41

Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’

Luk 23:47

Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’

Yowann 19:13

Pilat ytho pan glewas an geryow ma a dhros Yesu yn-mes, hag esedha war an barr yn tyller henwys an Leur a Leghven, hag yn Ebrow Gabbatha.

Oberow 12:21

Hag yn dydh ordenys, Herod taklys yn y dhillas ryel a esedhas yn y vreusva hag arethya dhedha;

Oberow 18:12

Mes pan o Gallio prokonsul Aghaia, an Yedhewon, unys aga brys, a omsettyas erbynn Powl ha'y dhri dhe'n barr,

Oberow 18:16

Hag ev a's chasyas dhe-ves a'n barr.

Oberow 18:17

Ena i oll, ow talghenna Sosthenes, rewler an synaga, a'n gweskis a-rag an barr; mes ny wrug Gallio vri orth nagonan a'n taklow ma.

Oberow 25:10

Mes yn-medh Powl, ‘Yth esov vy ow sevel a-rag barr Sesar, may telledh ow bos breusys. Ny wrug vy drokoleth vyth dhe'n Yedhewon, dell wodhesta fest yn ta.

Oberow 25:17

Rakhenna, pan dheuthons war-barth omma, ny gellis vy termyn, mes ternos, esedhys y'n barr, my a worhemmynnis may fe dres an gour.

Oberow 25:6

Wosa ev dhe wortos yn aga mysk namoy es eth po deg dydh, ev eth yn-nans dhe Sesarea; ha ternos ev a esedhas y'n barr ha gorhemmynna may fe Powl dres.

1 Peder 2:22

‘Ny wrug peghadow, ha ny veu toell kevys war y anow.’

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.