Matthew 26:56 - An Bibel Kernewek 20234 (Kernewek Kemmyn)

⁵⁶ Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Matthew 26:56 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Matthew 21:42

Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Matthew 26:31

Ena yn-medh Yesu dhedha, ‘Oll hwi a vydh sklandrys ahanav vy y'n nos ma, rag skrifys yw, “My a wra gweskel an bugel ha deves an flokk a vydh skattrys.”

Matthew 26:54

Fatell allsa an skryptors bos kollenwys ytho, y tal hwarvos yndella?’

Yowann 16:32

Otta, termyn a dheu, ha re dheuth, pan vydhowgh skattrys, peub dh'y dre, ha'm gasa ow honan; mes nyns ov vy ow honan, rag bos an Tas genev.

Oberow 1:16

‘Breder, res o an skryptor dhe vos kollenwys, a dharganas an Spyrys Sans dre anow Davydh a-dro dhe Yudas, neb a dheuth ha bos gidyer dhe'n re a dhalghennas Yesu,

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

2 Timothi 4:16

Pan wrugavy defens yn kynsa, nyns esa denvyth ow sevel rybov, mes pub den a'm gasas; na vedhes gorrys dh'aga reken.