Matthew 26:29 - An Bibel Kernewek 20234 (Kernewek Kemmyn)

²⁹ My a lever dhywgh, ny evav namoy alemma rag a'n frut ma a'n gwinbrenn bys y'n jydh na ma'n evav genowgh nowydh yn gwlaskor ow Thas.’

Matthew 26:29 Iomraidhean Croise

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Salmow 4:7

Ty re worras lowender y'm kolonn moy ages y'n termyn may feu aga ys ha'ga gwin ynkressys.

Salmow 40:3

Hag ev re worras kan nowydh y'm ganow, kan a wormola dh'agan Duw. Lies huni a'n wel, ha perthi own, ha trestya y'n Arloedh.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 18:20

Rag le may ma dew po tri kuntellys war-barth y'm hanow vy, ena yth esov yn aga mysk.’

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Matthew 26:30

Ha wosa i dhe gana hymna yth ethons dhe'n menydh Oliv.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Mark 14:25

Yn hwir y lavarav dhywgh, ny wrav vy eva namoy a frut an gwinbrenn bys y'n jydh na ma'n evav nowydh yn gwlaskor Duw.’

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Yowann 15:11

My re gewsis an taklow ma dhywgh may fo ow lowena ynnowgh, ha may fo agas lowena kollenwys.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Yowann 17:13

Mes lemmyn y tov dhis, ha'n taklow ma a gowsav y'n bys, rag ma's teffo ow lowender kowlwrys ynna aga honan.

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Diskwedhyans 14:3

Hag i a ganas kan nowydh a-dherag an tron hag a-dherag an peswar kreatur bew ha'n henavogyon, ha denvyth ny ylli dyski an gan marnas an kans peswar ha dew-ugens mil re beu prenys dhiworth an norvys.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’