Matthew 26:24 - An Bibel Kernewek 20234 (Kernewek Kemmyn)

²⁴ Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Matthew 26:24 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Salmow 55:15

Des ankow warnedha, ha diyskynnens yn few dhe ifarn; rag yma sherewneth yn aga annedhow, hag yn aga mysk.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Matthew 18:7

Go-ev an bys drefenn sklanderyow; rag res yw sklanderyow dhe dhos, mes go-ev an den may teu an sklander dredho!

Matthew 26:31

Ena yn-medh Yesu dhedha, ‘Oll hwi a vydh sklandrys ahanav vy y'n nos ma, rag skrifys yw, “My a wra gweskel an bugel ha deves an flokk a vydh skattrys.”

Matthew 26:54

Fatell allsa an skryptors bos kollenwys ytho, y tal hwarvos yndella?’

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Mark 14:21

Rag Mab an den a dremen, anodho dell yw skrifys, mes go-ev an den na ganso may ma Mab an den traytys; da via dhodho, byth na ve genys an den na.’

Mark 9:12

Mes ev a leveris dhedha, ‘Elias dhe wir a dheu kynsa ha restorya pub tra; fatell ytho yw skrifys a Vab an den ev dhe wodhevel lies tra ha bos dispresys?

Luk 22:22

Rag devri Mab an den a yn-rag dell veu ordenys, mes go-ev an den na, dredho mayth yw traytys.’

Luk 24:46

Hag yn-medh ev dhedha, ‘Yndella yw skrifys, Krist dhe wodhav, ha dhe sevel dhiworth an re varow y'n tressa dydh;

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Yowann 19:24

Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 4:28

rag gul an pyth a ragdhestnas dha leuv ha'th towl may fe gwrys.

1 Korinthianys 15:3

Rag my a ystynnas dhywgh yn kynsa an pyth a dhegemmeris vy ynwedh, Krist dhe verwel rag agan peghosow herwydh an skryptors,