Matthew 25:46 - An Bibel Kernewek 20234 (Kernewek Kemmyn)

⁴⁶ Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Matthew 25:46 Iomraidhean Croise

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Matthew 19:16

Hag awotta, nebonan a dheuth ha leverel dhodho, ‘A Vester, pandr'eus 'vas a wrav vy rag kavoes bewnans heb diwedh?’

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Luk 16:26

Ha moy es hemma oll, yma settys islonk meur yntra ni ha hwi, rag na allo tremena a-dreus alemma dhywgh hwi neb a vynno, na treusi alena dhyn ni.”

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 5:29

hag i a dheu yn-mes; an re a wrug da bys yn dasserghyans bewnans, an re a wrug drog bys yn dasserghyans dampnasyon.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 13:48

Ha pan glewas an Jentilys hemma, i a lowenhas hag enora ger an Arloedh, ha myns o ragordenys dhe vewnans heb diwedh a grysis,

Oberow 24:15

Yma dhymm govenek yn Duw, a waytyons i aga honan ynwedh, y fydh dasserghyans hag a'n re ewnhynsek hag a'n re gammhynsek.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

1 Yowann 2:25

Ha hemm yw an ambos re ambosas dhyn, bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’