Matthew 25:44 - An Bibel Kernewek 20234 (Kernewek Kemmyn)

⁴⁴ Ena y hwra i ynwedh gorthybi ow leverel, “Arloedh, p'eur y'th welsyn ow kodhevel nown po syghes; po estren po noeth po klav po prisonys ha ni heb dha servya?”

Matthew 25:44 Iomraidhean Croise

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Yeremia 2:35

ty a lever, ‘Ankablus ov; yn sur y sorr a wra treylya a-dhiworthiv.’ Otta, my a wra dha vreusi, drefenn ty dhe leverel, ‘Ny beghis.’

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Malaki 3:13

Hwi re gewsis geryow hwerow er ow fynn, yn-medh an Arloedh. Hwath hwi a lever, ‘Fatell gewssyn er dha bynn?’

Matthew 10:41

Piwpynag a dhegemmerro profoes yn hanow profoes a gyv gober profoes; ha neb a dhegemmer den gwiryon yn hanow den gwiryon a gyv gober den gwiryon.

Matthew 25:43

estren en vy ha ny wrussowgh ow wolkomma, noeth ha ny wrussowgh ow dillasa, klav hag yn prison ha ny dheuthewgh dhe'm gweles.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Matthew 7:22

Lies huni a lever dhymm y'n jydh na, “Arloedh, Arloedh, a ny wrussyn profoesa yn dha hanow jy, hag yn dha hanow tewlel yn-mes dywolow, hag yn dha hanow gul meur a oberow galloesek?”

Luk 10:29

Mes ev, ow mynnes justifia y honan, a leveris dhe Yesu, ‘Ha piw yw ow hentrevek?’