Matthew 25:31 - An Bibel Kernewek 20234 (Kernewek Kemmyn)

³¹ ‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 25:31 Iomraidhean Croise

Salmow 9:7

Mes an Arloedh a esedh yn y se bys vykken, ev re fastyas y se rag breus,

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 25:6

Mes yn hanter nos yth esa garm, “Ottomma an gour pries, ewgh dhe-ves dh'y dhyerbynna.”

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Mark 14:62

Ha Yesu a leveris, ‘My ywa, “ha hwi a wel Mab an den esedhys a'n barth dhyghow dhe'n galloes, hag ow tos gans kommol an nev.” ’

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 22:69

Mes alemma rag Mab an den a vydh esedhys a'n barth dhyghow dhe alloes Duw.’

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

Yowann 1:51

Hag yn-medh ev dhodho, ‘Yn hwir, yn hwir y lavarav dhywgh, hwi a wel nev igerys, hag eledh Duw owth yskynna ha diyskynna war Vab an den.’

Oberow 1:11

neb a leveris, ‘Gwer Galile, prag y sevowgh hwi ow mires troha nev? An Yesu ma, neb re beu kemmerys yn-bann dhiworthowgh yn nev, a dheu y'n keth maner ma'n gwelsowgh ow mos yn nev.’

1 Thessalonianys 3:13

dhe fastya agas kolonn divlam yn sansoleth a-dherag agan Duw ha Tas orth devedhyans agan Arloedh Yesu Krist gans y syns oll.

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Lyther Yud 1:14

A-dro dhe'n re ma y'n seythves henedh a Adam y profoesas Enok pan leveris, ‘Otta, an Arloedh a dheuth gans y dheg-vilyow a syns,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’