Matthew 25:1 - An Bibel Kernewek 20234 (Kernewek Kemmyn)

¹ ‘Ena y fydh gwlaskor nev hevelebys dhe dheg gwyrghes neb a gemmeras aga lugern ha mos mes dhe dhyerbynna an gour pries.

Matthew 25:1 Iomraidhean Croise

Salmow 45:14

Hi a vydh dres dhe'n myghtern yn dillas brosys; an maghtethyon hy howethesow neb a's hol a's hembronk dhis.

An Gan a Ganow 1:3

Ethenn dha oylys yw da, dha hanow yw avel oyl dinewys; rakhenna gwyrghesow re'th karas.

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 5:8

My a'gas konjor, A vyrghes Yerusalem, mar kevowgh ow haradow, leverewgh orto ow bos klav dre gerensa.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Matthew 13:24

Ev a worras parabolenn arall a-ragdha, ow leverel, ‘Gwlaskor nev yw hevelebys dhe dhen a wonedhas has da yn y wel.

Matthew 13:31

Ev a worras parabolenn arall a-ragdha, ow leverel, ‘Gwlaskor nev yw haval dhe hasenn kedhow a wrug den hy hemmeres ha'y gorra yn y bark.

Matthew 13:38

ha'n gwel yw an bys, ha'n has da yw mebyon an wlaskor; mes an ivra yw mebyon an tebel el,

Matthew 13:47

‘Arta, haval yw gwlaskor nev dhe roes tewlys y'n mor hag a guntellas pub eghenn a bysk.

Matthew 20:1

‘Haval yw gwlaskor nev dhe berghennek tir neb eth yn-mes a-varr myttin rag arveth oberwesyon rag y winlann.

Matthew 22:2

‘Gwlaskor nev yw hevelebys dhe unn myghtern a wrug goel demmedhyans dh'y vab.

Matthew 25:7

Ena oll an gwyrghesow na a dhifunas ha takla aga lugern.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

Yowann 18:3

Yudas ytho, wosa kavoes bagas a soudoryon ha soedhogyon dhiworth an bennoferysi ha'n Fariseow, a dheuth di gans lugern ha faglennow hag arvow.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Oberow 20:8

Lemmyn yth esa lies lugarn yn stevell y'n soler mayth en ni kuntellys.

1 Korinthianys 11:2

My a'gas kommend drefenn hwi dhe berthi kov ahanav yn pup-tra, ha dhe synsi yn fast an hengovyow par dell y's res dhywgh.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.

Diskwedhyans 19:7

Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

Diskwedhyans 4:5

Hag yn-mes a'n tron y teuth lughesennow ha sonyow ha taranow yn-rag, hag yth esa seyth faglenn tan, yw seyth Spyrys Duw, ow leski a-dherag an tron;

Diskwedhyans 8:10

Ha'n tressa el a hwythas, ha sterenn vras a goedhas a'n nev ow leski kepar ha faglenn, ha hi a goedhas war an tressa rann a'n avonyow, ha war an fentynyow a dhowrow.