Matthew 24:7 - An Bibel Kernewek 20234 (Kernewek Kemmyn)

⁷ Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Matthew 24:7 Iomraidhean Croise

2 Kroniklys 15:6

Terrys yn temmigow yth ens, gwlaskor erbynn gwlaskor ha sita erbynn sita, rag yth esa Duw orth aga throbla gans ankres a bub eghenn.

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 21:27

Magoryow, magoryow, magoryow y'n gwrav, ma na veu y hevelep, bys pan dheu ev may ma dhodho an gwir; ha my a'n re dhodho.

Zekaria 14:13

Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

Luk 21:11

y fydh dorgrysyow meur, ha divoetter ha plagys yn lies le, hag y fydh hwarvosow euthyk ha toknys meur dhiworth nev.

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Oberow 2:19

Ha my a dhiskwedh marthusyon y'n nev a-vann, hag toknys y'n norvys a-woeles, goes ha tan hag ethenn mog.

Ebrowyon 12:27

An lavar ma, ‘Unnweyth moy’, a dhiskwa treuskorrans an pythow yw kryghyllys, henn yw an pythow re beu gwrys, may pessyo an pythow na yll bos kryghyllys.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Diskwedhyans 6:5

Ha pan igoras an tressa sel, my a glewas an tressa kreatur bew ow leverel, ‘Deus.’ Ha my a welas hag otta, margh du, ha neb o esedhys warnodho ow synsi mantol yn y dhorn.

Diskwedhyans 6:6

Ha my a glewas kepar dell ve lev yn mysk an peswar kreatur bew ow leverel, ‘Kwart a waneth rag diner ha tri hwart a varlys rag diner, ha na wra pystiga an olew ha'n gwin.’

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.