Matthew 24:39 - An Bibel Kernewek 20234 (Kernewek Kemmyn)

³⁹ ha ny wodhyens travyth bys pan dheuth an liv hag a's skubas dhe-ves yn kettep penn: yn kettella y fydh devedhyans Mab an den.

Matthew 24:39 Iomraidhean Croise

Jenesis 7:23

Ha pub tra vew war enep an dor a veu defendys dhe-ves, mab-den, bestes, pryves hag ydhyn nev, ha defendys vons dhe-ves dhiworth an nor, ha ny veu gesys yn few marnas Noy ha'n re esa ganso y'n gorhel.

Lavarow Koth 23:35

Ty a lever, ‘I a'm gweskis, mes ny berthis vy payn. I a'm kronkyas, mes ny'n godhvev. P'eur tifunav? My a hwila diwes moy.’

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 29:7

An den gwiryon a aswonn gwiryow an voghosogyon; ny dheur mann dhe'n tebelwas an aswonnvos ma.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 24:3

Ha pan ova esedhys war an menydh Oliv, y dhyskyblon a dheuth dhodho yn priva ha leverel, ‘Lavar dhyn, p'eur hwyrvydh oll an taklow ma ha py tokyn vydh a dha dhevedhyans ha diwedh an oes?’

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 24:37

Rag kepar dell vedha hi yn dydhyow Noy, yndella y fydh devedhyans Mab an den.

Matthew 24:40

Ena y fydh dewdhen y'n gwel, an eyl a vydh kemmerys ha'y gila gesys;

Luk 19:44

i a'th terr dhe'n dor, ha'th fleghes ynnos, ha ny asons men war ven ynnos, rag ny aswonnsys termyn dha visitasyon.’

Yowann 3:20

Rag seul a wra drog a gas an golow, ha ny dheu dhe'n golow, ma na vo diskudhys y oberow.

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

2 Peder 3:5

Rag i a ankev a borpos bos an nevow ow pos nans yw pell, ha nor dhe vos synsys war-barth dre dhowr ha gans dowr dre lavar Duw;

Breusysi 20:34

Erbynn Gibea y teuth deg mil wour dewisys a oll Ysrael, ha'n vatel o fell. Mes ny wodhya an Benyaminysi bos terroesa ow tos warnedha.