Matthew 24:27 - An Bibel Kernewek 20234 (Kernewek Kemmyn)

²⁷ Rag kepar dell dheu an lughesenn yn-mes a'n howldrevel ha golowi bys y'n howlsedhes, yndella y fydh devedhyans Mab an den.

Matthew 24:27 Iomraidhean Croise

Job 37:3

Ev a liver y daran yn-dann an nev oll, ha'y lughes dhe sornow an norvys.

Job 38:35

A yllydh dyllo tardhow lughes, mayth ellons ha leverel dhis, “Yth eson omma”?

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ezekiel 1:14

An kreaturs bew a boenya ha dehweles kepar ha lughesenn.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

Malaki 3:2

Mes piw a yll perthi dydh y dhevedhyans? Piw a yll sevel pan omdhiskwa? Rag ev a vydh avel tan an purheor, avel sebon an troghyer.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 24:26

Mar leverons dhywgh ytho, “Ottava y'n gwylvos”, nag ewgh dhe-ves; po “Ottava y'n chambouryow a-bervedh”, na grysewgh henna.

Matthew 24:3

Ha pan ova esedhys war an menydh Oliv, y dhyskyblon a dheuth dhodho yn priva ha leverel, ‘Lavar dhyn, p'eur hwyrvydh oll an taklow ma ha py tokyn vydh a dha dhevedhyans ha diwedh an oes?’

Matthew 24:37

Rag kepar dell vedha hi yn dydhyow Noy, yndella y fydh devedhyans Mab an den.

Matthew 24:39

ha ny wodhyens travyth bys pan dheuth an liv hag a's skubas dhe-ves yn kettep penn: yn kettella y fydh devedhyans Mab an den.

Matthew 24:44

Rakhenna, bedhewgh hwi ynwedh parys, rag y'n eur ma na dybowgh y teu Mab an den.

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Jamys 5:8

Perthewgh hwi ynwedh. Fastyewgh agas kolonn, rag devedhyans an Arloedh re dheuth nes.

2 Peder 3:4

hag ow leverel, ‘Ple'ma ambos y dhevedhyans? Rag a-dhiworth an jydh may koedhas yn kosk an tasow, pup-tra a bys yndella dhiworth dalleth kreasyon.’