Matthew 24:14 - An Bibel Kernewek 20234 (Kernewek Kemmyn)

¹⁴ Ha'n aweyl ma a'n wlaskor a vydh pregewthys yn oll an bys yn dustuni dhe oll an kenedhlow, hag ena y teu an diwedh.

Matthew 24:14 Iomraidhean Croise

Ezekiel 7:10

Otta an jydh! Otta re dheuth! An vreus res eth yn-mes; an welenn re vleujyowas, balghder re eginas.

Matthew 10:7

Ha hwi war agas hyns, pregewthewgh ow leverel, “Gwlaskor nev re dheuth nes.”

Matthew 18:19

Arta yn hwir y lavarav dhywgh, mar pydh dew ahanowgh unnverhes war an nor a-dro dhe neppyth oll a wovynnons, henna a vydh grontys dhedha gans ow Thas eus y'n nevow.

Matthew 24:3

Ha pan ova esedhys war an menydh Oliv, y dhyskyblon a dheuth dhodho yn priva ha leverel, ‘Lavar dhyn, p'eur hwyrvydh oll an taklow ma ha py tokyn vydh a dha dhevedhyans ha diwedh an oes?’

Matthew 24:6

Hwi a glewvydh a vreselyow ha son a vreselyow; gwaytyewgh na gemmerrowgh own, rag res yw henna dhe hwarvos, mes ny vydh hwath an diwedh.

Matthew 4:23

Hag yth esa ow mos a-dro dres oll Galile ow tyski yn aga synagys ha pregoth aweyl an wlaskor ha sawya pub kleves ha pub dises yn mysk an bobel,

Matthew 9:35

Hag yth esa Yesu ow mos a-dro yn oll an sitys hag y'n trevow, ow tyski yn aga synagys ha pregoth aweyl an wlaskor ha yaghhe pub kleves, ha pub dises.

Mark 13:10

Ha kyns oll, res yw an aweyl dhe vos pregewthys dhe oll an kenedhlow.

Luk 2:1

Hag y hwarva y'n dydhyow na, y feu ordenans dyllys dhiworth Sesar Awgustus, oll an bys dhe vos kovskrifys.

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Luk 4:5

Ena ev a'n hembronkas yn-bann ha diskwedhes dhodho oll gwlaskordhow an bys yn unn pols,

Oberow 1:2

bys y'n jydh may feu kemmerys yn-bann, wosa ev dhe ri gorhemmynnow der an Spyrys Sans dhe'n abesteli neb re dhewissa;

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Oberow 17:6

mes pan na's kavas i a dennas Yason ha re a'n vreder dhe soedhogyon an sita, ow kria, ‘An dus ma neb re dreylyas an nor war y benn re dheuth omma ynwedh,

Oberow 19:27

Lemmyn yma peryll agan kreft dhe gelli y hanow da, mes ynwedh y fydh tempel an dhuwes veur Artemis akontys heb bri, mes moy es henna, y fydh hy braster lehes, neb yw gordhys gans oll Asia ha'n bys.’

Oberow 20:25

‘Ha lemmyn otta, my a woer na vydh nagonan ahanowgh ow kweles ow fas na fella, mayth yth vy a-derdro yntredhowgh ow pregoth an wlaskor.

Romanyon 10:18

Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

Ebrowyon 1:6

Hag arta, pan dhre ev y'n bys an kynsa-genys, y lever, ‘Eledh Duw oll, gordhyens ev.’

Ebrowyon 2:5

Rag ny veu yn-dann eledh y hworras Duw an bys dhe dhos, hag anodho dell gewsyn.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.