Matthew 23:8 - An Bibel Kernewek 20234 (Kernewek Kemmyn)

⁸ Mes hwi, na bedhewgh gelwys Rabbi; rag onan yw agas dyskador hag oll hwi yw breder.

Matthew 23:8 Iomraidhean Croise

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 23:10

Ha na vedhewgh gelwys dyskadoryon, rag onan yw agas dyskador, an Krist.

Matthew 23:7

ha salusyansow y'n marghasow, ha bos gelwys Rabbi gans tus.

Matthew 26:25

Yudas, neb a'n traytas, a leveris dhodho, ‘Sur nyns yw vy, Mester?’ Ev a worthybis, ‘Ty re'n leveris.’

Matthew 26:49

Ha desempis ev eth dhe Yesu ha leverel, ‘Lowena dhis, Mester!’ hag amma dhodho.

Mark 10:51

Ha Yesu a worthybis dhodho ha leverel, ‘Pandr'a vynnydh orthiv y wul dhis?’ Ha'n dall a worthybis dhodho, ‘Mester, may hwellen vy arta.’

Mark 11:21

Ha Peder, ow perthi kov, a leveris dhodho, ‘Mester, awotta'n figbrenn a wrussys y villiga yw desyghys.’

Mark 14:45

Ha pan o devedhys, ev eth bys dhodho a-dhesempis ha leverel, ‘Mester!’ hag a ammas dhodho.

Mark 9:5

Ha Peder a worthybis ha leverel dhe Yesu, ‘Mester, da yw ni dhe vos omma; ha gwren ni gul teyr skovva, onan dhiso jy, hag onan dhe Moyses, hag onan dhe Elias.’

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Yowann 1:38

Ha Yesu a dreylyas ha'ga gweles owth holya, ha leverel dhedha, ‘Pandr'a hwilowgh?’ Yn-medhons dhodho, ‘Rabbi (henn yw dhe styrya, Dyskador), ple'th esos trigys?’

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 11:8

Yn-medh an dhyskyblon dhodho, ‘Mester, an Yedhewon a hwilas dha labydha nammnygen; a vynnydh mos di arta?’

Yowann 20:16

Yn-medh Yesu dhedha, ‘Maria!’ Hi a dreylyas ha leverel dhodho yn Ebrow, ‘Rabboni’, (henna a styr, Mester).

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 3:26

Hag i a dheuth dhe Yowann ha leverel dhodho, ‘Rabbi, ev neb a veu genes a'n tu arall dhe'n Yordan, a neb ty re dhug dustuni, otta, yma ev ow pesydhya, hag yma pub den oll ow tos dhodho.’

Yowann 4:31

Y'n keth termyn y dhyskyblon a'n pysis, ‘Mester, gwra dybri.’

Yowann 6:25

Ha pan y'n kavsons a'n tu arall dhe'n mor, yn-medhons dhodho, ‘Rabbi, p'eur hwrussys dos omma?’

Yowann 9:2

Ha'y dhyskyblon a wovynnas orto ow leverel, ‘Mester, piw a beghas, an den ma, po y gerens, may feu genys dall?’

2 Korinthianys 1:24

Nyns yw ni dhe routya agas fydh, mes kesoberoryon on ni genowgh rag agas joy: rag y'n fydh y sevowgh fyrv.

2 Korinthianys 4:5

Rag nyns yw pregoth agan honan a wren ni, mes Krist Yesu avel Arloedh, ha ni agan honan avel agas kethyon, a-barth Yesu.

Efesianys 3:15

mayth yw henwys warnodho pub teylu yn nev ha nor,

Filemon 1:16

dhe vos na fella keth mes moy es keth, broder karadow, kyns oll dhymmo vy, mes pygemmys moy dhiso jy y'n kig keffrys hag y'n Arloedh.

Jamys 3:1

Na vedhewgh meur ahanowgh dyskadoryon, ow breder. Hwi a woer ni, an dhyskadoryon dhe dhegemmeres breus poessa.

1 Peder 5:3

heb lordya war an re a withowgh, mes yn ensamplys dhe'n flokk,

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 22:9

Hag ev a leveris dhymm, ‘Na wra henna: dha geskethwas ov vy, hag a'th vreder an brofoesi, hag a neb a with lavarow an rol-skrifa ma: gwra gordhya Duw.’