Matthew 23:38 - An Bibel Kernewek 20234 (Kernewek Kemmyn)

³⁸ Awotta, agas chi yw gesys dhywgh hwi, ynyal.

Matthew 23:38 Iomraidhean Croise

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

Salmow 69:24

Dyllo warnedha dha goler, ha re wrello dha sorr fers aga sesya.

Salmow 69:25

Bedhes aga annedh ynyal; na vedhes triger yn aga thyldow.

Ysay 5:9

Arloedh an luyow re leveris y'm diwskovarn: Sur lies chi bras a vydh magor, chiow brav a vydh heb annedhyas.

Yeremia 22:5

Mes mar ny woslewowgh orth an geryow ma, my a de re'm honan, yn-medh an Arloedh, y fydh an chi ma magor.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Luk 13:35

Otta, agas chi yw gesys dhywgh, forsakys. Ha my a lever dhywgh, ny'm gwelowgh vy bys pan leverowgh, “Benniges yw neb a dheu yn hanow an Arloedh.”’

Luk 21:20

‘Mes pan welowgh Yerusalem settys a-dro gans luyow, ena hwi a woer hi dhe vos difeythys yn skon.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Luk 21:6

‘An taklow a welowgh – dydhyow a dheu pan na vydh gesys men war ven, na vydh tewlys dhe'n dor.’