Matthew 23:23 - An Bibel Kernewek 20234 (Kernewek Kemmyn)

²³ ‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Matthew 23:23 Iomraidhean Croise

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ysay 28:25

Wosa levenhe y enep, a ny skatter fenogel ha hasa kumin, ha gorra gwaneth yn rewyow, heydh yn y dyller ewn, ha gwaneth-spelt yn y or?

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Levitikus 27:30

Oll dega an tir, has an tir po frut an gwydh kyn fo, a vydh dhe'n Arloedh. Sans yw dhe'n Arloedh.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 12:7

Ha mar kodhvewgh styr an lavar ma, “Ny vynnav sakrifis, mes tregeredh, ny wrussewgh ri breus erbynn an re dhivlam.”

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Luk 18:12

My a wra penys heb dybri diwweyth y'n seythun, my a re dega a bup-tra a dhendilav.”

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.