Matthew 23:15 - An Bibel Kernewek 20234 (Kernewek Kemmyn)

¹⁵ Go-hwi, skribys ha Fariseow, falswesyon, rag hwi a dremen dres mor ha tir dhe gavoes unn dyskybel nowydh ha pan y'n kevir, hwi a'n gwra mab ifarn dewblek gweth agesowgh hwi agas honan.

Matthew 23:15 Iomraidhean Croise

Ester 8:17

hag yn pub rannvro, hag yn pub sita, plepynag y teffa gorhemmynn an myghtern ha'y arghadow, dhe'n Yedhewon yth esa heudhder ha lowender, kevewi ha dydh da. Ha lies huni dhiworth poblow an tir eth ha bos Yedhewon rag own a'n Yedhewon.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Matthew 5:29

Ha dha lagas dyghow mar kwra dha sklandra, tenn e mes ha towl e dhiworthis; rag y fydh dhe les dhis onan a'th eseli dhe vos dhe goll, ha na vo tewlys oll dha gorf yn ifarn;

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Oberow 13:43

Ha wosa an kuntelles dhe dhiberth, meur a'n Yedhewon hag a'n broselytys neb a wordhya y'n synaga a holyas Powl ha Barnabas, neb a gewsis orta ha'ga ynnia may pessyens yn gras Duw.

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 14:2

Mes an Yedhewon neb o diskryjygyon a ynnias war an Jentilys, ow treylya aga brys erbynn an vreder.

Oberow 17:13

Mes pan wodhva an Yedhewon a Thessalonika bos ger Duw pregewthys gans Powl yn Berea ynwedh, i a dheuth di ynwedh ow kryghylli hag ow korra an routhow yn deray.

Oberow 2:10

Frygia ha Pamfylia, Ejyp ha rannvroyow Libya ryb Kyrene, ha godrigoryon a Rom,

Oberow 6:5

Ha'n lavar a blesyas an gemmynieth oll, hag i a dhewisas Stefan, gour leun a fydh hag a'n Spyrys Sans, ha Felip ha Proghorus ha Nikanor ha Timon ha Parmenas ha Nikolas, proselyt a Antiogh.

Galatianys 4:17

Diwysyk yns i ragowgh, drog aga bodh, ha mynnes orthowgh bos kes mes, rag may fowgh hwi diwysyk a-barth dhedha i.

Galatianys 6:12

An re a vynn gul omdhiskwedhyans teg y'n kig a'gas konstryn dhe vos trodreghys, unnsel ma na vons i helghys rag krows Krist.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.