Matthew 23:14 - An Bibel Kernewek 20234 (Kernewek Kemmyn)

¹⁴ ‘Go-hwi, skribys ha Fariseow, falswesyon, rag hwi a lenk chiow gwedhwesow, hag yn fayntys hwi a wrewgh pysadow hir; rakhenna y kevowgh breus dhe voy tynn.

Matthew 23:14 Iomraidhean Croise

Job 22:9

Ty re dhannvonas gwedhwesow dhe-ves gwag aga diwla, ha breghow omdhivasow re beu brewys.

Job 31:16

‘Mar skonis hwansow an voghosogyon, po gul dhe dhewlagas an wedhwes fyllel,

Eksodus 22:22

Ny wrewgh tebeldhyghtya gwedhwes vyth po omdhivas.

Matthew 11:24

Byttegyns, y lavarav dhywgh, y fydh moy perthadow rag tir Sodom dydh breus es dell vydh ragos jy.’

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Mark 12:40

neb a lenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Luk 12:48

Mes ev neb na wodhva y vodh mes gul taklow ow tendil strokosow, a vydh boghes gweskys. Dhe neb may feu res meur, dhiworto y fydh hwilys meur, ha dhe neb may feu kemmynnys meur, hwath moy a vydh govynnys anodho.

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

2 Timothi 3:6

Rag yn mysk an re ma, yma an re a dheu a-bervedh yn chiow yn unn slynkya ha kemmeres benynes foll yw beghys gans peghadow ha hembrenkys dre hwansow a lies eghenn,

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.

Jamys 3:1

Na vedhewgh meur ahanowgh dyskadoryon, ow breder. Hwi a woer ni, an dhyskadoryon dhe dhegemmeres breus poessa.

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.