Matthew 22:24 - An Bibel Kernewek 20234 (Kernewek Kemmyn)

²⁴ ow leverel, ‘Mester, Moyses a leveris, Mar merow neb den heb bos dhodho fleghes, y koedh dh'y vroder demmedhi y wreg ev ha maga askorr dh'y vroder.

Matthew 22:24 Iomraidhean Croise

Jenesis 38:11

Ena yn-medh Yuda dhe Tamar y wohydh. ‘Gorta avel gwedhwes yn chi dha das erna dheffo ow mab Shela dhe oes.’ Rag ev a leveris, ‘Ma na varwo ev ynwedh, dell verwis y vreder.’ Ytho Tamar eth, ha hi a drigas yn chi hy thas.

Jenesis 38:8

Hag yn-medh Yuda dhe Onan, ‘Ke a-bervedh dhe wreg dha vroder ha gwra dha dhever dhedha avel broder dre lagha, ha drehav has dhe'th vroder.’

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 22:25

Yth esa yn agan mysk seyth broder; ha'n kynsa, wosa demmedhi, a verwis heb gasa askorr, hag a asas y wreg dh'y vroder.

Matthew 22:36

‘Mester, pandra yw an brassa gorhemmynn y'n lagha?’

Matthew 7:21

‘Nyns a a-bervedh yn gwlaskor nev pubonan a lever dhymm, “Arloedh, Arloedh”, mes ev neb a wra bodh ow Thas eus yn nevow.

Mark 12:19

‘A Vester, Moyses a skrifas ragon, Mar merow broder neb den, ha gasa gwreg a-dhelergh, heb gasa flogh, y vroder a dal kemmeres an wreg, ha maga askorr dh'y vroder.

Luk 20:28

ow leverel, ‘Mester, Moyses a skrifas ragon, “Mar merow broder neb den ha dhodho gwreg, mes ev anvap, y vroder a dal kemmeres an wreg ha maga askorr dh'y vroder.”

Luk 20:33

Ytho y'n dasserghyans, piw anedha y fydh hi y wreg dhodho, rag an seyth a's teva yn gwreg?’

Luk 6:46

‘Prag y'm gelwewgh “Arloedh, Arloedh” ha ny wrewgh an pyth a lavarav?

Ruth 1:11

Hag yn-medh Naomi, ‘Treylyewgh, ow myrghes, prag y fynnowgh mos genev? Eus mebyon dhymm y'm torr may fens i gwer dhywgh hwi?

Ruth 3:13

Gorta omma haneth, ena ternos vyttin; ytho, mar fynn ev dha dhemmedhi, yndella re bo, ha mar ny vynn ev gul yndella, ena my a vynn dha dhemmedhi, mar sur dell vew an Arloedh. Kosk omma bys vyttin.’

Ruth 4:5

Ena yn-medh Boaz, ‘Pan brenydh an tir dhiworth Naomi, res vydh dhis ynwedh kavoes Ruth an venyn a Moab, gwreg agan kar marow, dhe dhrehevel hanow an den marow war y eretons.’