Matthew 22:16 - An Bibel Kernewek 20234 (Kernewek Kemmyn)

¹⁶ Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 22:16 Iomraidhean Croise

1 Myghternedh 22:14

Mes Mikaya a leveris, ‘Dell vew an Arloedh, pyth pynag a lever an Arloedh dhymm, henna y kowsav.’

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Salmow 5:9

Rag nyns eus lelder yn aga ganow; aga holonn yw leun a spit. Aga lonk yw logel igor, i a fekyl gans aga thaves.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Lavarow Koth 29:5

Gour neb a flatter y gentrevek a les roes rag y dhewdroes.

Malaki 2:6

Lagha a wirder esa yn y anow, ha kammhynseth ny veu kevys war y dhiwweus. Ev a gerdhas genev yn kres hag ewnhynseth, ha treylya lies dhiworth pegh.

Malaki 2:9

Ytho my a'gas kawsyas dhe vos dispresys hag iselhes a-rag oll an bobel, a-ban na withsowgh ow fordhow mes hwi a dhiskwa faverans y'n lagha.

Matthew 22:24

ow leverel, ‘Mester, Moyses a leveris, Mar merow neb den heb bos dhodho fleghes, y koedh dh'y vroder demmedhi y wreg ev ha maga askorr dh'y vroder.

Matthew 22:26

Y'n keth vaner an nessa, ha'n tressa bys y'n seythves.

Matthew 26:18

Hag yn-medh ev, ‘Ewgh y'n sita dhe neb den ha leverewgh dhodho: “An Mester a lever: Ow thermyn vy yw ogas; my a syns an pask y'th chi gans ow dyskyblon.” ’

Matthew 26:49

Ha desempis ev eth dhe Yesu ha leverel, ‘Lowena dhis, Mester!’ hag amma dhodho.

Mark 10:17

Ha pan esa ev ow mos yn-kerdh war an fordh, nebonan a boenyas dhodho ha koedha war benn-dewlin a-ragdho, ha govynn orto, ‘A Vester mas, pandr'a wrav may hylliv erita bewnans heb diwedh?’

Mark 12:13

Hag i a dhannvonas dhodho re a'n Fariseow ha'n Herodianys, may hallens y vaglenna yn y lavarow.

Mark 12:14

Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Mark 3:6

An Fariseow eth yn-mes, ha dison i a omgusulyas gans an Herodianys er y bynn, fatell allens y dhistrui.

Mark 8:15

Hag ev a erghis dhedha, ‘Omwithewgh, bedhewgh war a woell an Fariseow hag a woell Herod.’

Luk 20:21

I a wovynnas orto ha leverel, ‘Mester, ni a woer ty dhe gewsel ha dhe dhyski yn ewn, ha ny wre'ta plegya dhe fas denvyth, marnas dyski fordh Duw yn lenduri.

Luk 7:40

Ha Yesu a worthybis ha leverel dhodho, ‘Simon, yma dhymm neppyth dhe leverel dhis.’ Yn-medh ev, ‘Mester, lavar.’

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Galatianys 2:6

Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Dewteronomi 33:9

neb a leveris dh'y das ha dh'y vamm, Ny wrugavy y weles; ha ny wrug vri a'y vreder, na aswonn y vebyon y honan; rag i a withas dha lavar, ha'th kevambos i a synsis.

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.