Matthew 22:12 - An Bibel Kernewek 20234 (Kernewek Kemmyn)

¹² hag yn-medh ev dhodho, “Koweth, fatell dheuthys omma heb gwisk demmedhyans?” Ha tewel a wrug an den.

Matthew 22:12 Iomraidhean Croise

Job 5:16

Ytho yma govenek dhe'n boghosek, ha kammhynseth a dhege hy ganow.

Salmow 107:42

An re ewnhynsek a wel henna, ha lowenhe; ha pub sherewneth a dhege y anow.

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Matthew 20:13

Mes ev a worthybis dhe onan anedha ha leverel, “Koweth, ny wrav kamm dhis. A ny veusta unnverhes genev rag unn diner?

Matthew 26:50

Hag yn-medh Yesu dhodho, ‘Koweth, prag y teuthys?’ Ena y teuthons yn-rag ha gorra aga diwla war Yesu ha'y dhalghenna.

Matthew 5:20

Rag my a lever dhywgh, marnas agas ewnder a vo moy ages henna a'n skribys ha'n Fariseow, ny wrewgh mos a-bervedh yn gwlaskor nev.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

Titus 3:11

ow kodhvos den a'n par na dhe vos treylys yn kamm, ha peghador; omdhampnys yw.

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.