Matthew 21:31 - An Bibel Kernewek 20234 (Kernewek Kemmyn)

³¹ Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 21:31 Iomraidhean Croise

Job 15:6

Dha anow dha honan a'th tampen, na my; dha dhiwweus dha honan a dhustuni er dha bynn.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 18:3

hag yn-medh ev, ‘Yn hwir y lavarav dhywgh, marnas hwi a dreyl, ha dos ha bos avel fleghes, nyns ewgh kammenn vyth a-bervedh yn gwlaskor nev.

Matthew 20:16

Yndellna an re dhiwettha a vydh kynsa, ha'n re gynsa diwettha.’

Matthew 21:30

Ena ev a dheuth dhe'n nessa ha kewsel y'n keth vaner. Mes ev a leveris, “Yth av, syrra”, mes nyns eth.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Matthew 5:46

Rag mar kerewgh an re usi orth agas kara hwi, pana wober a'gas bydh? A ny wra ynwedh an dolloryon an keth tra?

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Matthew 7:21

‘Nyns a a-bervedh yn gwlaskor nev pubonan a lever dhymm, “Arloedh, Arloedh”, mes ev neb a wra bodh ow Thas eus yn nevow.

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 19:22

Yn-medh ev dhodho, “Dhiworth dha anow dha honan my a'th vreus, ty gethwas drog! Ty a wodhves ow bos den kales, ow kemmeres yn-bann an pyth na wrugavy y worra yn-nans, hag ow mysi an pyth na wrugavy y hasa.

Luk 7:29

Hag oll an dus, hag ynwedh an dolloryon, pan glewsons hemma, a aswonnis ewnder Duw, hag i besydhys gans besydh Yowann.

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Oberow 17:30

Ytho, ny wrug Duw vri a'n oesow a dhiskians, ha lemmyn ev a worhemmynn dhe boblow oll yn pub le may kemmerrons edrek,

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.