Matthew 21:3 - An Bibel Kernewek 20234 (Kernewek Kemmyn)

³ Ha mar lever nebonan neppyth dhywgh hwi, hwi a lever, “Yma edhomm dhe'n Arloedh anedha”; hag ev a's dannvon dison.’

Matthew 21:3 Iomraidhean Croise

1 Myghternedh 17:9

‘Ke lemmyn dhe Sarefath, usi dhe Sidon, ha triga ena; rag my re worhemmynnis dhe wedhwes ena dha sostena.’

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Matthew 21:2

ow leverel dhedha, ‘Ewgh y'n dre a-dal dhywgh ha desempis hwi a gyv asen kelmys hag ebel gensi; gwrewgh aga digelmi ha'ga dri dhymmo.

Matthew 21:4

Hemma a hwarva may fe kollenwys an dra kewsys gans an profoes ow leverel,

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:35

An Tas a gar an Mab hag ev re ros pup-tra yn y dhorn.

Oberow 17:25

na nyns yw servys gans diwla den kepar ha pan ve dhodho edhomm a neppyth, rag ev a re bewnans hag anall ha pup-tra dhe bub den oll;

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Samuel 10:26

Sowl ynwedh eth tre dhe Gibea, hag yth eth ganso lu an soudoryon, neb a dochyas Duw aga holonn.