Matthew 21:27 - An Bibel Kernewek 20234 (Kernewek Kemmyn)

²⁷ Ytho i a worthybis dhe Yesu ow leverel, ‘Ny wodhon.’ Hag yn-medh ev y honan dhedha, ‘Na byth moy ny wrav vy leverel dhywgh py awtorita dredho y hwrav an taklow ma.’

Matthew 21:27 Iomraidhean Croise

Ysay 28:9

‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 16:3

hag y'n myttin, “Hager-awel y fydh hi hedhyw rag an ebron yw rudh ha tewl.” Hwi a woer dissernya enep an ebron, mes a ny yllowgh dissernya toknys an termynyow?

Matthew 21:26

Ha mar leveryn, “A dus”, own a'gan beus a'n routh, rag pubonan a syns Yowann dhe vos profoes.’

Matthew 21:28

‘Lemmyn pyth yw agas breus? Yth esa dhe dhen dew vab. Hag ev a dheuth dhe'n kynsa, ha leverel, “Ow mab, ke dhe wonis hedhyw y'n winlann”.

Yowann 9:30

An den a worthybis ha leverel dhedha, ‘Yma tra varthys yn hemma, na wodhowgh a by le'ma; mes ev a igoras ow dewlagas.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

2 Korinthianys 4:3

Mes yn hwir mars yw kudhys agan aweyl, kudhys yw rag an re usi ow mos dhe goll.