Matthew 21:11 - An Bibel Kernewek 20234 (Kernewek Kemmyn)

¹¹ Ha'n routhow a worthybis, ‘Hemm yw an profoes Yesu, a Nazareth yn Galile.’

Matthew 21:11 Iomraidhean Croise

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Matthew 21:10

Hag ev ow tos a-bervedh yn Yerusalem, oll an sita a veu movyes hag a wovynnas, ‘Piw yw hemma?’

Matthew 21:26

Ha mar leveryn, “A dus”, own a'gan beus a'n routh, rag pubonan a syns Yowann dhe vos profoes.’

Matthew 21:46

hag i a hwilas y dhalghenna, mes yth esa own dhedha a'n routhow, rag i a'n synsis avel profoes.

Mark 6:15

Re erell a leveri, ‘Ev yw Elias’; mes re erell a leveri, ‘Profoes yw, avel onan a'n brofoesi.’

Luk 13:33

Byttegyns res yw dhymm pesya y'n hyns hedhyw hag a-vorow ha'n jydh a siw; rag ny yll bos, profoes dhe verwel marnas yn Yerusalem.”

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Luk 7:39

Ytho pan y'n gwelas an Farise neb a'n galwsa, ev a gewsis dhodho y honan ow leverel, ‘Mar pe hemma profoes, ev a wodhvia piw ha py par benyn yw hi neb a wra y dochya, rag peghadores yw hi.’

Yowann 1:21

Hag i a wovynnas orto, ‘Piw ytho? Osta Elias?’ Yn-medh ev, ‘Nag ov vy.’ ‘Osta an profoes?’ Hag ev a worthybis, ‘Nag ov.’

Yowann 1:25

Hag i a wovynnas orto ha leverel dhodho, ‘Prag ytho y pesydhydh mar nyns osta an Krist, nag Elias, na'n profoes?’

Yowann 4:19

Yn-medh an venyn dhodho, ‘Syrra, my a wel ty dhe vos profoes.

Yowann 6:14

Ena an dus, pan welsens an tokyn a wrug Yesu, a leveris, ‘Hemma dhe wir yw an profoes a dal dos y'n bys.’

Yowann 7:40

Re yn mysk an routh pan glewsons an geryow ma a leveri, ‘Hemm yw yn hwir an profoes.’

Yowann 9:17

Arta y lavarsons dhe'n den dall, ‘Pandr'a leverydh dha honan anodho, rag ev dhe igeri dha dhewlagas?’ Yn-medh ev, ‘Profoes yw.’

Oberow 7:37

Hemm yw an Moyses a leveris dhe vebyon Ysrael, “Duw a dhrehav ragowgh profoes dhiworth agas breder, dell y'm drehevis vy.”