Matthew 20:21 - An Bibel Kernewek 20234 (Kernewek Kemmyn)

²¹ Yn-medh ev dhedhi, ‘Pandr'a vynnydh?’ Yn-medh hi dhodho, ‘Gront mayth esettho ow dew vab evy, an eyl a'th parth dhyghow ha'y gila a'th parth kledh y'th wlaskor.’

Matthew 20:21 Iomraidhean Croise

1 Myghternedh 2:19

Yth eth Bathsheba ytho dhe vyghtern Solomon, rag kewsel ganso a-barth Adoniya. Ha'n myghtern a sevis dh'y metya, hag a omblegyas orti; ena ev a esedhas war y dron, hag ordena kador dhe vos settys rag mamm an myghtern; ha hi a esedhas orth y leuv dhyghow.

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Ester 5:3

Yn-medh an myghtern dhedhi, ‘Pyth eus dhis, a vyghternes Ester? Pyth yw dha vynnas? Kyn fo hanter an wlaskor y fydh res dhis.’

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

Yeremia 45:5

Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Matthew 18:1

Y'n eur na an dhyskyblon a dheuth dhe Yesu ha leverel, ‘Piw yw an moyha yn gwlaskor nev?’

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 20:22

Yesu a worthybis ha leverel, ‘Ny wodhowgh pandr'a wovynnowgh. A yllowgh hwi eva a'n hanaf a wrav vy eva anodho?’ Yn-medhons dhodho, ‘Gyllyn.’

Matthew 20:32

Ena Yesu a sevis hag a elwis dhedha ha leverel, ‘Pandr'a vynnowgh orthiv dhe wul dhywgh?’

Mark 10:51

Ha Yesu a worthybis dhodho ha leverel, ‘Pandr'a vynnydh orthiv y wul dhis?’ Ha'n dall a worthybis dhodho, ‘Mester, may hwellen vy arta.’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Mark 6:22

ha pan dheuth a-ji myrgh an Herodias na ha donsya, hi a blesyas Herod ha'n re esedhys ganso. Yn-medh an myghtern dhe'n voren, ‘Govynn orthiv pypynag a vynni ha my a'n gront dhis.’

Luk 18:41

‘Pandr'a vynnydh orthiv dhe wul?’ Ev a leveris, ‘Arloedh, may hwelliv arta.’

Luk 19:11

Hag i ow koslowes hemma, ev a dherivas parabolenn moy, rag ev dhe vos ogas dhe Yerusalem hag i a dybi gwlaskor Duw dhe omdhiskwedhes ena a-dhistowgh.

Luk 22:24

Dadhel ynwedh a sordyas yntredha, piw anedha a vedha moyha.

Yowann 15:7

Mar trigowgh ynnov, ha'm geryow mar trigons ynnowgh, govynnewgh pypynag a vynnowgh, ha gwrys vydh ragowgh.

Oberow 1:6

Ytho, hag i kuntellys war-barth, i a wovynnas orto, ow leverel, ‘Arloedh, a wre'ta y'n tor' ma daskorr an wlaskor dhe Ysrael?’

Romanyon 12:10

ow kara an eyl y gila, yn keskerensa, ow kesstrivya an eyl gans y gila ow tiskwedhes enor;

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

Kolossianys 3:1

Ytho mar pewgh drehevys gans Krist, hwilewgh an taklow usi war-vann, le mayth usi Krist owth esedha a dhyghow dhe Dhuw.