Matthew 2:16 - An Bibel Kernewek 20234 (Kernewek Kemmyn)

¹⁶ Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Matthew 2:16 Iomraidhean Croise

Jenesis 39:14

hi a elwis tus hy chi ha kewsel orta ow leverel, ‘Mirewgh, ev re dhros dhyn ni gour ebrow, dhe wul ges ahanan. Ev a dheuth dhymm dhe wrowedha genev, ha my a elwis gans lev ughel.

Jenesis 39:17

Ha hi a gewsis ganso war-lergh an geryow ma, ‘An kethwas ebrow a wruss'ta dri dhyn ni a dheuth a-bervedh dhymm dhe wul ges ahanav.

Jenesis 49:7

Milliges re bo aga sorr, rag fell yw, ha'ga honnar, rag tynn yw. My a wra aga ranna yn Yakob ha'ga skattra yn Ysrael.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

Job 12:4

Skornys ov gans ow howetha; kyn helwis war Dhuw hag ev a worthybis, den skornys ov, ewn ha divlam.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Lavarow Koth 28:17

Den hag yw beghys gans skoellya goes neb den, re hwillo skovva y'n pytt; na res nagonan gweres dhodho.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Daniel 3:13

Ena Nebukadnessar o serrys fest, hag ev a erghis may fe dres Shadrak, Meshak hag Abednego. Ena i a's dros a-rag an myghtern.

Hosea 10:14

Tervans a dhrehav yn mysk dha bobel, hag oll dha gastylli a vydh distruys, kepar dell wrug Shalman distrui Beth-arbel yn dydh an gas, pan veu brewys an vamm gans hy fleghes.

Niverow 22:29

Ha Balaam a leveris dhe'n asen, ‘Drefenn ty dhe wul ges ahanav: a pe kledha y'm dorn, erbynn lemmyn my a'th ladhsa.’

Niverow 24:10

Ha sorr Balak a dhewis erbynn Balaam, hag ev a weskis y dhiwdhorn war-barth; ha Balak a leveris dhe Balaam, ‘My a'th elwis dhe vollethi ow eskerens, hag otta, ty re's bennigas an teyr gweyth ma.

Matthew 2:1

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Matthew 2:17

Y'n eur na y feu kollenwys an dra kewsys gans Yeremia an profoes, ow leverel,

Matthew 2:7

Ena Herod, wosa gelwel an dus fur yn privedh, a wovynnas orta an termyn poran mayth omdhiskwedhas an sterenn.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Breusysi 16:10

Ena Delila a leveris dhodho, ‘Ty re wrug ges ahanav ha gowleverel; dell y'm kyrri, deriv dhymmo vy fatell y'th kelmer.’