Matthew 2:13 - An Bibel Kernewek 20234 (Kernewek Kemmyn)

¹³ Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Matthew 2:13 Iomraidhean Croise

1 Myghternedh 11:17

Mes Hadad a fias dhe Ejyp gans re a'n Edomysi o wesyon y das. Ev o maw yowynk y'n termyn na.

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Job 33:15

Yn hunros, yn gwelesigeth a'n nos, pan goedh kosk down war dus, hag i ow koska yn aga gweli,

Job 33:17

rag treylya den dhiworth drogober, ha'y witha rag goeth.

Eksodus 1:22

ha Faro a worhemmynnis dhe oll y bobel, ow leverel, ‘Pub maw a vydh genys – tewlewgh ev y'n Nil, ha pub myrgh gwithewgh hi yn few.’

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 10:23

Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Matthew 2:12

Ha gwarnyes dre hunros na wrellens dehweles dhe Herod, i a omdennas dh'aga fow war fordh arall.

Matthew 2:14

Ena ev a sevis yn-bann ha kemmeres an flogh ha'y vamm yn nos ha mos dhe Ejyp,

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Matthew 2:22

Mes pan glewas bos Arghelaus ow reynya yn Yudi yn le y das Herod own a'n jevo a vones dhi, ha wosa bos gwarnys dre hunros ev a omdennas dhe'n rannvro Galile,

Oberow 10:22

I a leveris, ‘Kornelius, penn-kangour, gour ewnhynsek neb a berth own a Dhuw ha neb yw gerys-da gans oll an genedhel yedhowek, dhodhheb o y feu erghys gans el sans may halwa dh'y ji ev ha goslowes orth an pyth a vynnydh y leverel.’

Oberow 10:7

Pan alsa dhe-ves an el neb a gewsis orto, ev a elwis dew a wesyon an mayni ha souder kryjyk a'n re a'n servya prest,

Oberow 12:11

Ena Peder a dheuth dh'y ewn rewl ha leverel, ‘Lemmyn my a woer yn hwir y tannvonas Duw y el ha'm livra mes a leuv Herod ha mes a oll gwaytyans an bobel yedhowek.’

Oberow 12:7

Hag otta, el an Arloedh a sevis ogas dhodho, ha golow a splannas y'n vagh; hag ow kweskel tenewen Peder ev a'n drehevis yn-bann, ow leverel, ‘Sav yn-bann, fisten.’ Ha'n chaynys a goedhas dhiworth y dhiwla.

Oberow 16:36

Ha'n jayler a dherivas an geryow ma dhe Powl, ‘An justisyow re dhannvonas may fowgh hwi delivrys. Lemmyn, ytho, dewgh yn-mes ha kewgh yn kres.’

Oberow 5:19

Mes nosweyth el an Arloedh a igoras darasow an prison, ha'ga hembronk yn-mes, ha leverel,

Oberow 7:19

Ev a dhyghtyas agan agh yn fel, hag arwaska agan tasow, ow kul dhedha gorra aga fleghesigow yn-mes ma na vens gwithys yn few.

Yoshua 3:13

Ha pan bowes godhnow treys an oferysi usi ow toen argh an Arloedh, Arloedh oll an nor, yn dowrow an Yordan, dowrow an Yordan a vydh treghys dhiworth an dowrow a dheu yn-nans a-wartha; hag i a sev yn graghell.’

Yoshua 3:17

An oferysi esa ow toen argh kevambos an Arloedh a sevis fast war syghtir yn kres an Yordan, hag oll Ysrael a dreusis war syghtir, bys pan worfennas oll an genedhel treusi an Yordan.

Yoshua 4:10

An oferysi esa ow toen an argh a sevi yn kres an Yordan, bys pan veu kollenwys pup-tra a wrug an Arloedh y worhemmynna dhe Yoshua dhe leverel dhe'n bobel, war-lergh pup-tra a wrug Moyses y worhemmynna dhe Yoshua. Ha'n bobel a dreusis yn unn fistena.

Yoshua 4:18

Pan yskynnas yn-mes a'n Yordan an oferysi esa ow toen argh kevambos an Arloedh, ha pan veu godhnow treys an oferysi drehevys dhe'n tir sygh, dowrow an Yordan a dhehwelis dh'aga thyller ha fenna dres y lannow avel kyns.

Diskwedhyans 12:14

Ha dhe'n venyn y feu res diwaskell an er bras may halla nija a-bervedh y'n gwylvos, bys yn hy thyller mayth yw megys ena termyn ha termynyow ha hanter termyn, dhiworth fas an sarf.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.

Diskwedhyans 12:6

Ha'n venyn a fias dhe'n gwylvos, le may ma dhedhi tyller parys gans Duw, ma's makkens hi ena mil dew kans ha tri-ugens a dhydhyow.