Matthew 2:10 - An Bibel Kernewek 20234 (Kernewek Kemmyn)

¹⁰ Ha pan welsons an sterenn, i a lowenhas gans joy meur dres eghenn.

Matthew 2:10 Iomraidhean Croise

Salmow 105:3

Bostyewgh yn y hanow sans; lowenhes kolonn an re a hwila an Arloedh.

Salmow 67:4

Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

Matthew 2:11

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Matthew 2:9

Ha wosa klewes an myghtern yth ethons yn-kerdh, hag awotta'n sterenn a welsons y'n howldrevel ow mos a-dheragdha bys pan dheuth ha sevel a-ugh an tyller mayth esa an flogh.

Luk 2:10

Ha'n el a leveris dhedha, ‘Na berthewgh own, rag otta, my a dhre dhywgh nowodhow da a lowena veur hag a vydh rag oll an bobel,

Luk 2:20

Ha'n vugeledh a dhehwelis, ow kordhya hag ow kormel Duw, a bup-tra a glewsens ha gweles, kepar dell veu leverys dhedha.

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;