Matthew 2:1 - An Bibel Kernewek 20234 (Kernewek Kemmyn)

¹ Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Matthew 2:1 Iomraidhean Croise

Jenesis 10:30

Aga thiredh a veu dhiworth Mesha ha ty ow mos war-tu ha Sefar, menydh an howldrevel.

Jenesis 25:6

Ha dhe vebyon y iswragedh, Abraham a ros rohow ha'ga dannvon dhe-ves dhiworth y vab Ysak, hag ev hwath yn few, dhe'n est, troha pow an est.

Jenesis 41:8

Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

1 Myghternedh 4:30

may feu furneth Solomon moy es furneth oll pobel an duryen hag oll furneth Ejyp.

1 Kroniklys 2:51

Salma tas Bethlehem, ha Haref tas Beth-gader.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 1:25

ha ny's aswonnis bys pan dhineythis hi mab; hag ev a'n henwis Yesu.

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Matthew 2:19

Wosa Herod dhe verwel, awotta, el a'n Arloedh a omdhiskwedhas dhe Yosep dre hunros yn Ejyp,

Matthew 2:3

Pan wrug myghtern Herod klewes hemma, ev a veu troblys, hag oll Yerusalem ganso,

Matthew 2:5

Hag i a'n gorthybis, ‘Yn Bethlehem Yudi; rag yndellma y feu skrifys gans an profoes:

Matthew 2:7

Ena Herod, wosa gelwel an dus fur yn privedh, a wovynnas orta an termyn poran mayth omdhiskwedhas an sterenn.

Luk 1:5

Yth esa yn dydhyow Herod myghtern Yudi, oferyas, Zakaria y hanow, a asrann Abia, hag y feu dhodho gwreg, onan a vyrghes Aron, ha'y hanow Elisabeth.

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Luk 2:15

Ena, wosa an eledh dhe dhiberth dhiworta bys yn nev, yth esa an vugeledh ow leverel an eyl dh'y gila, ‘Deun ni lemmyn dhe Bethlehem ha gweles an dra ma yw hwarvedhys, a wrug an Arloedh y dhiskwedhes dhyn.’

Yowann 7:42

A ny lever an skryptor, Krist dhe dhos a has Davydh, hag a Bethlehem, an dre mayth esa Davydh?’

Breusysi 17:7

Lemmyn yth esa gour yowynk a Bethlehem yn Yuda, a gordh Yuda. Levyas o, trigys ena.