Matthew 19:9 - An Bibel Kernewek 20234 (Kernewek Kemmyn)

⁹ Ha my a lever dhywgh, piwpynag oll a dhidhemmettho y wreg marnas drefenn dijastita hag ena demmedhi benyn arall, an den na a wra avoutri.’

Matthew 19:9 Iomraidhean Croise

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

2 Kroniklys 21:11

Dres henna ev a wrug tylleryow ughel yn bro venydhyek Yuda, hag a ledyas trigoryon Yerusalem yn gordhyans idolys, hag a ledyas Yuda yn sowdhan.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 3:8

Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Ezekiel 16:15

Mes ty a fydhyas y'th tekter ha dos ha bos hora drefenn dha er-da, ha diveri dha fornikasyon war bub tremenyas, ha bos dhodho.

Ezekiel 16:29

Ty a lieshas dha fornikasyon bys yn Kaldea, tir an wikoryon, ha hwath ny veus gwalghys.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Matthew 19:10

Y dhyskyblon a leveris dhodho, ‘Mars yw an kas yndella dhe dhen gans y wreg, gwell yw na dhemmettho.’

Matthew 19:8

Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth.

Matthew 5:32

Mes my a lever dhywgh, Piwpynag a worro dhe-ves y wreg marnas dijastita, ev a's gwra avoutres; ha neb a dhemmettho benyn dhidhemmedhys, ev a wra avoutri.

Luk 16:18

‘Piwpynag a worro y wreg dhe-ves ha demmedhi arall a wra avoutri, ha neb a dhemmedh benyn gorrys dhe-ves gans hy gour a wra avoutri.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

1 Korinthianys 7:39

Kelmys dh'y gour yw an wreg hedre vo ev bew; mes mar kosk ev, livrys yw hi dhe dhemmedhi neb a vynno hi, mar kwra hi henna y'n Arloedh.

1 Korinthianys 7:4

Rag an wreg ny rewl hy horf hy honan, mes hy gour a'n rewl; y'n keth vaner an gour ny rewl y gorf y honan, mes an wreg a'n rewl.