Matthew 19:8 - An Bibel Kernewek 20234 (Kernewek Kemmyn)

⁸ Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth.

Matthew 19:8 Iomraidhean Croise

Jenesis 2:24

Ytho gour a vynn gasa y das ha'y vamm ha glena orth y wreg hag i a vydh unn kig.

Jenesis 7:7

Ha Noy eth a-bervedh, y vebyon, ha'y wreg, ha gwragedh y vebyon ganso a-bervedh y'n gorhel, drefenn dowr an liv.

Salmow 95:8

Na galeshewgh agas kolonn kepar dell wrussowgh yn Meriba, hag yn dydh Massa y'n difeyth,

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Zekaria 7:12

I a wrug aga holonn avel adamant rag na glewvens an lagha, na'n geryow a wrug Arloedh an luyow aga dannvon gans y Spyrys dre'n profoesi a-henys. Ytho sorr bras a dheuth dhiworth Arloedh an luyow.

Matthew 19:7

Yn-medhons dhodho, ‘Ytho prag y hworhemmynnis Moyses dhe ri lyther didhemmedhyans ha'y dannvon dhe-ves?’

Matthew 19:9

Ha my a lever dhywgh, piwpynag oll a dhidhemmettho y wreg marnas drefenn dijastita hag ena demmedhi benyn arall, an den na a wra avoutri.’

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 8:31

Ha'n dhywolow a'n pysis ow leverel, ‘Mara kwredh agan tewlel yn-mes, dannvon ni a-bervedh yn flokk an mogh.’

Mark 10:5

Mes Yesu a leveris dhedha, ‘Rag kaletter agas kolonn ev a skrifas dhywgh an gorhemmynn ma.

Mark 16:14

Wosa henna ev a omdhiskwedhas dhe'n unnek hag i esedhys dhe dhybri, hag a's keredhis a'ga diskryjyans ha kaletter aga holonn, drefenn na wrussons krysi dhe'n re a'n gwelsa, hag ev dasserghys.

1 Korinthianys 7:6

Hemma my a lever avel kummyas, a-der gorhemmynn.

1 Samuel 25:43

Davydh ynwedh a gemmeras Ahinoam a Yezreel; ha'ga diw a dheuth ha bos y wragedh.