Matthew 19:7 - An Bibel Kernewek 20234 (Kernewek Kemmyn)

⁷ Yn-medhons dhodho, ‘Ytho prag y hworhemmynnis Moyses dhe ri lyther didhemmedhyans ha'y dannvon dhe-ves?’

Matthew 19:7 Iomraidhean Croise

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Yeremia 3:8

Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Malaki 2:16

My a gas torrva demmedhyans, yn-medh an Arloedh, Duw Ysrael, ha gour neb a gudh y dhillas gans freudh, yn-medh Arloedh an luyow. Ytho omwithewgh yn agas spyrys, ha na derrewgh fydh.

Matthew 1:19

Ha Yosep hy gour, a-ban o den ewnhynsek, ha ny vynni gul bismer dhedhi, a erviras hy gorra a-denewen yn-dann gel.

Matthew 19:6

Ytho nyns yns i na fella dew mes unn kig. Rakhenna an dra a wrug Duw y junya war-barth, den na wres y ranna.’

Matthew 19:8

Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth.

Matthew 5:31

‘Ynwedh y feu leverys, “Neb a worro dhe-ves y wreg, gwres ev ri dhedhi skrifedh didhemmedhyans.”

Mark 10:4

Yn-medhons, ‘Moyses a ros kummyas dhe skrifa lyther torrva demmedhyans ha'y gorra hi dhe-ves.’