Matthew 19:27 - An Bibel Kernewek 20234 (Kernewek Kemmyn)

²⁷ Ena Peder a worthybis ha leverel dhodho, ‘Otta, ni re asas pup-tra oll ha'th holya; pandr'a vydh ragon ni ytho?’

Matthew 19:27 Iomraidhean Croise

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.

Mark 10:28

Peder a dhallathas leverel dhodho, ‘Otta, ni re wrug gasa pup-tra, ha'th holya jy.’

Mark 2:14

Hag ow tremena, ev a welas Levi mab Alfeus esedhys orth an dollva, hag yn-medh ev dhodho, ‘Hol vy.’ Hag ev a sevis yn-bann ha'y holya.

Luk 14:33

Yndella ytho, peub ahanowgh neb na hepkorro oll y bythow ny yll bos ow dyskybel.

Luk 15:29

Hag ev a worthybis dh'y das ha leverel, “Mir, py lies blydhen y hwrugavy dha servya, ha ny derris dha arghadow bythkweth; ha bythkweth ny resys dhymm kemmys ha mynnik rag may fen lowen gans ow howetha.

Luk 18:28

Yn-medh Peder, ‘Otta, ni re asas pup-tra ha'th holya.’

Luk 5:11

Hag ow tri aga gorholyon dhe'n tir i a asas pup-tra ha'y holya.

1 Korinthianys 1:29

ma na vostya denvyth dherag Duw.

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

Dewteronomi 33:9

neb a leveris dh'y das ha dh'y vamm, Ny wrugavy y weles; ha ny wrug vri a'y vreder, na aswonn y vebyon y honan; rag i a withas dha lavar, ha'th kevambos i a synsis.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,