Matthew 19:16 - An Bibel Kernewek 20234 (Kernewek Kemmyn)

¹⁶ Hag awotta, nebonan a dheuth ha leverel dhodho, ‘A Vester, pandr'eus 'vas a wrav vy rag kavoes bewnans heb diwedh?’

Matthew 19:16 Iomraidhean Croise

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 19:15

Ha wosa ev dhe worra y dhiwla warnedha yth omdennas alena.

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 12:25

Neb a gar y vewnans a wra y gelli, ha neb a gas y vewnans y'n bys ma a'n gwith bys yn bewnans heb diwedh.

Yowann 3:15

may fo bewnans heb diwedh dhe beub a grys ynno.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Yowann 6:47

Yn hwir, yn hwir y lavarav dhywgh, neb a grys a'n jeves bewnans heb diwedh.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Oberow 16:30

hag orth aga hembronk yn-mes ev a leveris, ‘Syrrys, pandr'a goedh dhymm dhe wul may fiv selwys?’

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

1 Timothi 6:19

ow kuntell tresor ragdha aga honan avel sel da erbynn an termyn a dheu, may hallons synsi an gwir vewnans.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Titus 3:7

may teffyn ha bos heryon war-lergh govenek bewnans heb worfenn, justifiys gans y ras.

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 2:25

Ha hemm yw an ambos re ambosas dhyn, bewnans heb diwedh.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.