Matthew 18:5 - An Bibel Kernewek 20234 (Kernewek Kemmyn)

⁵ ha piwpynag a dhegemmerro unn flogh a'n par ma y'm hanow vy, ev a'm degemmer vy.

Matthew 18:5 Iomraidhean Croise

Matthew 18:4

Rakhenna piwpynag a omuvelhaho avel an flogh ma, ev yw an moyha yn gwlaskor nev,

Matthew 18:6

‘Mes piwpynag a wrello dhe onan a'n re vyghan ma trebuchya, neb a grys ynnov, gwell via dhodho mar pe kregys men-melin meur a-dro dh'y gonna ha'y vos beudhys yn downder an mor.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Matthew 7:8

rag peub neb a wovynn a dhegemmer, ha neb a hwila a gyv, ha dhe neb a gnouk y fydh igerys.

Mark 9:37

‘Piwpynag a dhegemmerro onan a'n fleghes a'n par ma yn ow hanow vy, a'm degemmer vy, ha piwpynag a'm degemmerro, ny'm degemmer vy, saw ev neb a'm dannvonas.’

Mark 9:41

Rag piwpynag a rollo dhywgh hanafas a dhowr dhe eva y'm hanow vy, drefenn agas bos dhe Grist, yn hwir y lavarav dhywgh, kammenn na gyll y wober.

Luk 9:48

ha leverel dhedha, ‘Neb a dhegemmerro an flogh ma yn ow hanow vy a'm degemmer vy; ha neb a'm degemmerro vy, a'n degemmer ev neb a'm dannvonas; rag neb yw an byghanna yntredhowgh, meur yw ev.’

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Galatianys 4:14

hag yn despit dhe'n prevyans a veu dhywgh y'm kig, ny wrussowgh hwi dispresya na fia, mes hwi a'm degemmeras kepar hag el a Dhuw, kepar ha Krist Yesu.