Matthew 18:3 - An Bibel Kernewek 20234 (Kernewek Kemmyn)

³ hag yn-medh ev, ‘Yn hwir y lavarav dhywgh, marnas hwi a dreyl, ha dos ha bos avel fleghes, nyns ewgh kammenn vyth a-bervedh yn gwlaskor nev.

Matthew 18:3 Iomraidhean Croise

Salmow 131:2

Mes my re goselhas ha spavennhe ow enev, avel flogh didhenys orth bronn y vamm; devri kepar ha flogh didhenys yw ow enev.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Matthew 13:15

rag brys an bobel ma a veu gwrys talsogh ha poes yw klewans aga diwskovarn ha'ga lagasow re dhegesons, ma na wellons gans aga lagasow, na klewes gans aga skovornow na konvedhes gans aga holonn ha treylya, hag ytho my a wra aga sawya.”

Matthew 18:2

Ha wosa ev dhe elwel flogh dhodho, ev a'n gorras yn aga mysk,

Matthew 18:4

Rakhenna piwpynag a omuvelhaho avel an flogh ma, ev yw an moyha yn gwlaskor nev,

Matthew 19:14

Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’

Matthew 19:23

Ena Yesu a leveris dh'y dhyskyblon, ‘Yn hwir y lavarav dhywgh, kales vydh dhe dhen rych mones a-bervedh yn gwlaskor nev.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Matthew 5:20

Rag my a lever dhywgh, marnas agas ewnder a vo moy ages henna a'n skribys ha'n Fariseow, ny wrewgh mos a-bervedh yn gwlaskor nev.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Matthew 6:2

‘Rakhenna ty pan rylli alusen, na hwyth korn a-dheragos kepar dell wra an falswesyon a-bervedh y'n synagys hag y'n stretys, may hallons kavoes gordhyans dhiworth tus. Yn hwir y lavarav dhywgh, i re's teva aga gober.

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Mark 4:12

“rag may firons dhe wir, mes heb gweles, ha may klewons dhe wir, mes heb konvedhes, rag own i dhe dreylya, ha may fo gevys dhedha.” ’

Luk 13:24

‘Strivyewgh dhe vos a-bervedh der an porth kul, rag lies, yn-medhav dhywgh, a hwila mos a-ji ha ny yllons.

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Yowann 1:51

Hag yn-medh ev dhodho, ‘Yn hwir, yn hwir y lavarav dhywgh, hwi a wel nev igerys, hag eledh Duw owth yskynna ha diyskynna war Vab an den.’

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 28:27

Rag kolonn an bobel ma res eth ha bos talsogh, ha ny glewons gans aga diwskovarn, hag i re dhegeas aga dewlagas; ma na wrellens gweles nevra gans aga lagasow, na klewes gans aga skovornow, na konvedhes gans aga holonn, ha treylya, may hwrylliv vy aga sawya.”

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

2 Peder 1:11

Rag yndella, y fydh grontys dhywgh hwi yn rych dhe entra dhe wlaskor heb diwedh agan Arloedh ha'gan Selwyas Yesu Krist.