Matthew 18:28 - An Bibel Kernewek 20234 (Kernewek Kemmyn)

²⁸ Ha'n kethwas na ow mos alena a gavas onan a'y geswesyon neb o yn kendon dhodho a gans diner, hag ev a'n dalghennas orth y daga ha leverel, “Attal dha gendon.”

Matthew 18:28 Iomraidhean Croise

Nehemia 10:31

ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Lavarow Koth 28:3

Gour boghosek hag a arwask an voghosogyon yw avel glaw tynn na as trevas.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ezekiel 45:9

Yndellma y lever an Arloedh Duw: Lowr yw, a bennsevigyon Ysrael! Hepkorrewgh garowder ha ravna, ha gwrewgh gwirvreus hag ewnder; na wrewgh tewlel ow fobel yn-mes a'ga ferghennogeth na fella, yn-medh an Arloedh Duw.

Matthew 18:27

Ha mester an kethwas na a gemmeras truedh anodho ha gava dhodho y gendon.

Matthew 18:29

Y geswas ytho a goedhas orth y dreys ha pysi warnodho, “Gwra ow perthi, ha my a attal dhis.”

Matthew 20:2

Ha wosa ev dhe vos unnverhes gans an oberwesyon rag unn diner orth an jydh, ev a's dannvonas yn y winlann.

Mark 14:5

Rag an eli ma a allsa bos gwerthys a drihans diner ha moy ha bos res dhe'n voghosogyon.’ Hag i a's koskas yn asper.

Mark 6:37

Mes ev a worthybis ha leverel dhedha, ‘Rewgh hwi dhedha may tepprons.’ Hag yn-medhons dhodho, ‘A wren ni mos dhe brena bara a dhew kans diner, ha ri dhedha dhe dhybri?’

Luk 10:35

Ha ternos ev a gemmeras yn-mes diw dhinerenn ha'ga ri dhe'n ost ha leverel, “Gwra y witha, ha pypynag moy a vynni dhe spena my a attal dhis pan dhehwelav.”

Luk 7:41

‘Yth esa dhe unn kresysor dew gendoner; yth esa dhe'n eyl kendon a bymp kans diner, ha dh'y gila hanter-kans.

Yowann 6:7

Felip a worthybis dhodho, ‘Ny via bara a dhew kans diner lowr ragdha, rag may kemmerro pubonan temmik.’

Dewteronomi 15:2

Hemm yw gis an gevyans: pub kresysor a reless an kendon a ros dh'y gentrevek; ny arwask y gentrevek, y vroder, drefenn gevyans an Arloedh re beu gelwys.