Matthew 18:27 - An Bibel Kernewek 20234 (Kernewek Kemmyn)

²⁷ Ha mester an kethwas na a gemmeras truedh anodho ha gava dhodho y gendon.

Matthew 18:27 Iomraidhean Croise

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Matthew 18:28

Ha'n kethwas na ow mos alena a gavas onan a'y geswesyon neb o yn kendon dhodho a gans diner, hag ev a'n dalghennas orth y daga ha leverel, “Attal dha gendon.”

Matthew 18:32

Ena y vester a'n gelwis ha leverel dhodho, “Ty gethwas drog, my a avas dhis oll an gendon na, rag ty dhe bysi warnav.

Luk 7:42

Pan na yllens pe, ev a avas dh'aga dew. Ytho pyneyl anedha a'n kar moy?’

Luk 7:43

Simon a worthybis ow leverel, ‘Dell dybav, ev may feu moy gevys dhodho.’ Yn-medh ev dhodho, ‘Ewn re vreussys.’

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.