Matthew 18:12 - An Bibel Kernewek 20234 (Kernewek Kemmyn)

¹² Pandr'a dybowgh hwi? Mar pydh gans den kans davas hag onan anedha gyllys yn stray a ny as ev an nownsek ha peswar-ugens war an menydhyow ha mos dhe hwilas an dhavas yw gyllys dhe stray?

Matthew 18:12 Iomraidhean Croise

1 Myghternedh 21:17

Ena ger an Arloedh a dheuth dhe Elias an Tishbeyas, ow leverel:

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:28

Ny vydhons na fella preydh rag an kenedhlow, ha ny wra bestes an tir aga devorya; mes i a drig yn sawder ha nagonan ny worr own ynna.

Ezekiel 34:4

Ny wrussowgh krevhe an deves gwann, na yaghhe an re klav, na kelmi an re brew; ny dhresowgh dhe-dre an re a wandras yn sowdhan, na ny hwilsowgh an re kellys, mes gans nerth hwi re's rewlyas, ha gans garowder.

Ezekiel 34:6

Ow deves eth yn stray war oll an menydhyow, ha war bub bronn ughel; ow deves a veu skattrys war oll enep an nor, ha nagonan ny's hwilas na hwithra.

Matthew 12:11

Mes ev a leveris dhedha, ‘Py den ahanowgh eus, hag unn dhavas ganso, mar koedh hi yn poll y'n sabot, na sett dalghenn ynni ha'y drehevel alena?

Matthew 18:13

Ha mar hwyrvydh ev dh'y havoes, yn hwir y lavarav dhywgh, ev a'n jevydh moy a lowena warnedhi ages war an nownsek ha peswar-ugens nag ethons dhe stray.

Matthew 21:28

‘Lemmyn pyth yw agas breus? Yth esa dhe dhen dew vab. Hag ev a dheuth dhe'n kynsa, ha leverel, “Ow mab, ke dhe wonis hedhyw y'n winlann”.

Matthew 22:42

ow leverel, ‘Pandr'a dybowgh hwi a-dro dhe'n Krist? Piw dhodho yw ev mab?’ Yn-medhons dhodho, ‘Dhe Davydh.’

1 Korinthianys 10:15

My a gews orthowgh, tus fur dell owgh; gwrewgh hwyhwi breusi an pyth a lavarav.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.