Matthew 17:5 - An Bibel Kernewek 20234 (Kernewek Kemmyn)

⁵ Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 17:5 Iomraidhean Croise

Job 38:1

Ena an Arloedh a worthybis dhe Job dhiworth an korwyns:

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Eksodus 19:19

Ha dell besya son an hirgorn ughella hag ughella, Moyses a gewsis, ha Duw a worthybis dhodho yn lev.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 42:21

Da o gans an Arloedh, dre reson y ewnder, moghhe an lagha ha'y gul gloryus.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 17:6

Ha'n dhyskyblon pan y'n klewsons a goedhas war aga fas hag own meur a's kemmeras.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Mark 1:11

ha lev a dheuth a'n nevow, ‘Ty yw ow Mab karadow; ynnos yma ow delit.’

Mark 9:7

Hag y teuth kommolenn ha tewlel skeus warnedha; ha lev a dheuth yn-mes a'n gommolenn, ‘Hemm yw ow Mab karadow: klewewgh ev.’

Luk 3:22

ha'n Spyrys Sans a dheuth yn-nans warnodho yn furv gorfek, kepar ha kolomm, ha lev a dheuth a nev, ‘Ty yw ow Mab karadow; ynnos yma ow delit.’

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:35

An Tas a gar an Mab hag ev re ros pup-tra yn y dhorn.

Yowann 5:37

Ha'n Tas neb a'm dannvonas, ev y honan re dhustunias ahanav. Ny glewsowgh hwi y lev bythkweth, na gweles y furv.

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Oberow 7:37

Hemm yw an Moyses a leveris dhe vebyon Ysrael, “Duw a dhrehav ragowgh profoes dhiworth agas breder, dell y'm drehevis vy.”

Efesianys 1:6

dhe wormel splannder y ras a wrontyas dhyn y'n Karadow;

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.

Dewteronomi 18:19

An gour neb na woslow orth ow geryow a gews y'm hanow, my a rekwir akont anodho.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 14:14

Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.