Matthew 17:3 - An Bibel Kernewek 20234 (Kernewek Kemmyn)

³ Hag awotta, yth omdhiskwedhas dhedha Moyses hag Elias ow keskewsel ganso.

Matthew 17:3 Iomraidhean Croise

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Matthew 17:4

Ena Peder a worthybis ha leverel dhe Yesu, ‘Arloedh, da yw ni dhe vos omma; mar mynnydh, my a dhrehav omma teyr skovva, onan dhiso jy, onan dhe Moyses hag onan dhe Elias.’

Mark 9:4

Hag yth omdhiskwedhas dhedha Elias gans Moyses, hag yth esens ow keskewsel gans Yesu.

Luk 1:17

Ha mos a wra ev a-dheragdho y'n spyrys ha'n nerth a Elias dhe dreylya kolonnow tasow dhe fleghes, ha tus dhiwostydh dhe furneth tus ewnhynsek, dhe dharbari dhe'n Arloedh pobel bareusys.’

Luk 16:16

‘Yth esa an lagha ha'n brofoesi bys Yowann: alena rag, gwlaskor Duw yw pregewthys, ha peub a omherdh ynni dre nerth.

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Luk 9:33

Ha pan esens ow tiberth dhiworto Peder a leveris dhe Yesu, ‘Mester, da yw ni dhe vos omma; gwren drehevel teyr skovva, onan ragos jy hag onan rag Moyses hag onan rag Elias’, heb godhvos pandra esa ow leverel.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.

Dewteronomi 34:10

Ha ny sevis profoes arta yn Ysrael avel Moyses, neb a wrug an Arloedh y aswonn fas orth fas,