Matthew 17:18 - An Bibel Kernewek 20234 (Kernewek Kemmyn)

¹⁸ Ha Yesu a'n keredhis, ha'n jowl eth yn-mes anodho, ha'n flogh a veu yaghhes a-dhia'n keth eur na.

Matthew 17:18 Iomraidhean Croise

Matthew 12:22

Ena y feu dres dhodho sagh dyowl, dall hag avlavar, hag ev a'n sawyas par may hylli an avlavar kewsel ha gweles.

Matthew 15:28

Ena Yesu a worthybis, ow leverel dhedha, ‘A venyn, meur yw dha fydh; bedhes dhis kepar dell vynnydh.’ Ha'y myrgh a veu yaghhes a'n keth eur na.

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Matthew 17:19

Ena an dhyskyblon a dheuth dhe Yesu yn priva ha leverel, ‘Prag na yllsyn ni y dewlel yn-mes?’

Matthew 9:22

Mes Yesu a dreylyas, hag orth hy gweles, yn-medh ev, ‘Gwellha dha jer, ow myrgh; dha fydh re'th sawyas.’ Ha'n venyn a veu sawys a'n eur na.

Mark 1:34

Hag ev a yaghhas lies o klav a glevesow a bub eghenn, hag a dewlis mes lies dyowl; ha ny asas an dhywolow dhe gewsel, drefenn i dh'y aswonn ev.

Mark 5:8

Rag ev re bia ow leverel dhodho, ‘Deus yn-mes a'n den, ty spyrys avlan!’

Luk 4:41

Ha dywolow ynwedh a dho yn-mes a lies, ow kria ha leverel, ‘Ty yw Mab Duw.’ Mes ev a's keredhis, ha ny asas dhedha kewsel, rag yth aswonnsons ev dhe vos an Krist.

Luk 8:29

Rag ev a arghsa dhe'n spyrys avlan dos yn-mes a'n den. Rag lieskweyth an spyrys a'n dalghennsa, ha gwithys vedha, kelmys gans chaynys ha kargharow; mes ev a derri an kolmow, ha helghys vedha gans an jowl bys yn tylleryow difeyth.

Luk 9:42

Hag ev hwath ow tos, an jowl a'n torras ha'y dewlel dhe'n dor yn shora; ha Yesu a goskas an spyrys avlan ha yaghhe an maw ha'y dhaskorr dh'y das.

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.