Matthew 16:27 - An Bibel Kernewek 20234 (Kernewek Kemmyn)

²⁷ Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:27 Iomraidhean Croise

Job 34:11

Ev a attal dhe dhen an pyth re wrug, hag a surha gour dhe gavoes an pyth re dhendilas.

Salmow 62:12

Ha dhiso jy, A Arloedh, yma tregeredh; rag ty a attal dhe bub huni herwydh y oberow.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 13:41

Mab an den a vynn dyllo y eledh hag i a guntell yn-mes a'y wlaskor pub acheson a drebuchya, ha'n re a wra anlaghedh,

Matthew 13:49

Yndella y fydh hi yn diwedh an oes; an eledh a yn-rag ha ranna an re dhrog dhiworth an re wiryon,

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Mark 14:62

Ha Yesu a leveris, ‘My ywa, “ha hwi a wel Mab an den esedhys a'n barth dhyghow dhe'n galloes, hag ow tos gans kommol an nev.” ’

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 21:27

Hag ena i a wel Mab an den ow tos yn kommolenn gans nerth ha golewder meur.

Luk 22:69

Mes alemma rag Mab an den a vydh esedhys a'n barth dhyghow dhe alloes Duw.’

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

Yowann 21:22

Yn-medh Yesu dhodho, ‘Mar mynnav ev dhe wortos bys pan dhov, pyth yw henna dhis? Ty gwra ow siwya.’

Yowann 21:23

Ytho an lavar ma a lesas yn mysk an vreder, na vedha an dyskybel na ow merwel. Mes ny leveris Yesu dhodho na vedha ow merwel, mes ‘Mar mynnav ev dhe wortos bys pan dhov, pyth yw henna dhis?’

Oberow 1:11

neb a leveris, ‘Gwer Galile, prag y sevowgh hwi ow mires troha nev? An Yesu ma, neb re beu kemmerys yn-bann dhiworthowgh yn nev, a dheu y'n keth maner ma'n gwelsowgh ow mos yn nev.’

Romanyon 14:12

Ytho peub ahanan a re akont dhe Dhuw yn y gever y honan.

Romanyon 2:6

Rag yth attal dhe bub den herwydh y oberow:

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

1 Korinthianys 8:8

Boes ny wra agan kommendya dhe Dhuw; nyns on ni gweth mar ny dhybryn na gwell mar tybryn.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Efesianys 6:8

ow kodhvos pub den, py dader pynag a wrello, hag ev keth po rydh, dhe dhegemmeres hemma dhiworth an Arloedh.

Kolossianys 3:25

Rag neb a wra kamm a wra degemmeres kessydhyans an pyth a wrug ev kamm, ha nyns eus faverans.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.

Lyther Yud 1:14

A-dro dhe'n re ma y'n seythves henedh a Adam y profoesas Enok pan leveris, ‘Otta, an Arloedh a dheuth gans y dheg-vilyow a syns,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.