Matthew 16:24 - An Bibel Kernewek 20234 (Kernewek Kemmyn)

²⁴ Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Matthew 16:24 Iomraidhean Croise

Matthew 10:38

ha'n den na gemmer y grows ha'm holya nyns yw gwiw dhymm.

Matthew 27:32

Hag ow mos yn-mes, i a gavas den a Kyrene, henwys Simon; i a wrug y gonstryna dhe dhoen y grows.

Mark 10:21

Mes Yesu, ow mires poran warnodho, a'n karas, hag a leveris dhodho, ‘Unn dra a fyll dhis: ke yn-rag, gwerth pup-tra eus genes, ha ro dhe'n voghosogyon, ha ty a' fydh tresor yn nev; ha deus, hol vy.’

Mark 15:21

Hag i a gonstrynas unn Simon a Kyrene esa ow tremena, ow tos dhiworth an pow, tas Aleksander ha Rufus, dhe dhoen y grows.

Mark 8:34

Ha wosa gelwel an routh dhodho gans y dhyskyblon, ev a leveris dhedha, ‘Neb a vynno holya war ow lergh, gwres ev omdhenagha y honan, ha kemmeres yn-bann y grows, ha'm holya vy.

Luk 14:27

Ha denvyth neb na dhokko y grows y honan ha dos war ow lergh, ny yll bos ow dyskybel.

Luk 23:26

Hag i orth y dhoen dhe-ves, i a dhalghennas unn Simon, den a Kyrene, devedhys a'n pow; ha gorra an grows warnodho, dh'y doen war-lergh Yesu.

Yowann 19:17

hag ev eth yn-rag ow toen y grows y honan bys yn tyller henwys Tyller Krogen, hag yn Ebrow, Golgotha;

Yowann 21:19

Hemma a leveris, ow sygnyfia gans py par mernans y hwre ev glorifia Duw. Ha wosa leverel hemma, yn-medh ev dhodho, ‘Gwra ow siwya.’

Yowann 21:22

Yn-medh Yesu dhodho, ‘Mar mynnav ev dhe wortos bys pan dhov, pyth yw henna dhis? Ty gwra ow siwya.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Thessalonianys 3:3

ma na vo denvyth troblys y'n galarow ma, rag hwi a woer bos hemma agan rann,

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.