Matthew 15:8 - An Bibel Kernewek 20234 (Kernewek Kemmyn)

⁸ “An bobel ma a'm enor gans aga diwweus, mes pell yw aga holonn dhiworthiv;

Matthew 15:8 Iomraidhean Croise

Lavarow Koth 23:26

Ow mab, ro dhymmo vy dha golonn, ha gwithes dha dhewlagas ow fordhow.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Yeremia 12:2

Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Matthew 15:7

Hwi falswesyon, yn ta y profoesas Ysay ahanowgh, ow leverel,

Mark 7:6

Mes ev a worthybis dhedha, ‘Yn ta y profoesas Ysay ahanowgh hwi, an falswesyon, dell yw skrifys: “An bobel ma a'm enor gans aga diwweus, mes pell yw aga holonn a-dhiworthiv;

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Yowann 5:23

may hwrello peub enora an Mab, kepar dell enorons an Tas. Neb na enor an Mab ny enor an Tas neb a'n dannvonas.

Oberow 8:21

Ny'th eus na rann na le y'n mater ma, rag nyns yw dha golonn ewn dherag Duw.

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.

1 Peder 3:10

‘Neb a vynn kara bewnans ha gweles dydhyow da, fronnes ev y daves a dhrog ha'y dhiwweus a gewsel toell.