Matthew 15:6 - An Bibel Kernewek 20234 (Kernewek Kemmyn)

⁶ nyns yw ev synsys dhe enora y das na'y vamm; ha hwi a dhile ger Duw der agas hengov.

Matthew 15:6 Iomraidhean Croise

Salmow 119:126

Prys yw dhe'n Arloedh oberi, rag i re dhiswrug dha lagha.

Salmow 119:139

Tan ow holonn re'm distruis, drefenn ow eskerens dhe ankevi dha eryow.

Yeremia 8:8

Fatell yllowgh leverel, ‘Fur on, hag yma lagha an Arloedh genen’? Otta, hi re beu treylys yn gow gans pluvenn wowek an skribys.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Matthew 15:5

Mes hwi a lever, Piwpynag a lavarro dh'y das po dh'y vamm, “Pypynag a gaffes dhiworthiv yw ro sakrys”,

Matthew 15:7

Hwi falswesyon, yn ta y profoesas Ysay ahanowgh, ow leverel,

Mark 7:13

ha hwi a dhile ger Duw der agas hengov re resowgh; ha hwi a wra lies tra a'n par na.’

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

1 Timothi 5:16

Mars eus neb benyn gryjyk gans gwedhwesow yn hy theylu, gwres hi aga gweres, na vo begh war an eglos, may hallo gweres gwir wedhwesow.

1 Timothi 5:8

Mes den mar ny dharbar dh'y gerens ev, ha dres oll dh'y deylu ev, ev re naghas an fydh ha gweth es diskryjyk yw ev.